職趣事

 

打工仔辭職轉工是經常發生的事,但原來辭職都是一個學問,不要然處理不當分分鐘轉工變失業。

 

以下是來自網民(紫微和尚)的分享:

 

「是咁的，小弟係buy side firm做 ，底薪唔高但bonus都唔錯，拉返勻其實收入都可以勉勉強強達連登仔水平。加上有兩個junior 幫手整體黎講份工好好。但黎緊一年有諗住同女朋友拉埋天窗，自己都積落一筆首期，但問題係底薪比較低,壓力測試好驚過唔到，就萌生左轉工嘅念頭。

咁幾年前入職果陣有簽到份agreement ，大致內容係要工作內保密同埋有條不競爭條，雖然知道有唔妥，當年新出黎社會揾工冇經驗乞工咁揾 為求有工做賣身契都照簽。

 

所以轉工我都好小心咁揀，主要揾返sell side，Make sure job contents，冇咩direct competition，終於皇天不負苦心人，比我揾到一份，好不幸地負責果位hr有buy side方面經驗，特別aware個non compete clause，最後好insist一定要拎到waiver，咁冇辦法都要去試下，最多拎唔到waiver 留返係度做。

 

咁我就同老細講試下口風，老細話表示理解但話唔到事，要等大老細返黎傾下先。老細見我去意已決的樣子，就安排我開始著手準備hand over。

 

第日返到公司大老細已經返左黎，有位新同事都到左埋左位，咁佢地叫我入房傾，我諗住應該都順利，如果唔係都唔會請新同事。但點知，老細們表示個waiver比唔到，我心諗ok都預左有呢個可能性，但都合理咪繼續留喺度做。

 

網上圖片

 

然後公司同我講，因應我準備走，公司planning有變，當我同老細試口風果日resign兼last day。

我當場o咗咀，其他細節就唔提，主要責任都喺我身上，包括太過樂觀誤判，同埋溝通得唔清楚，而家個situation就係offer冇咗，連份工都冇埋，唔知點同老母交代。

 

就係咁 我失業了」

 

資料來源:LIHKG-紫微和尚