農莊活動完結，本來可以收工返屋企，但籌備過程中，#我的港女上司 開會話感謝同事Weekend都出席，要加個Lunch慰勞下大家，我同其他同事當時你眼望我眼，大家都好無奈 ，明明個港女自己都係打工仔，難道佢唔知道，對打工仔嚟講最佳嘅慰勞方法係「準時收工」？！阿姐，當日仲要係星期日嚟……
我哋以為：「個港女一定係無街去，所以想我哋陪多佢兩粒鐘。」
點知世事唔止咁簡單，佢除咗悶，亦因為貪，一心諗住用公司錢食埋餐晏唔好蝕。
網上圖片
籌備過程中，佢幾乎乜L都無理過，就只係好緊張叫我比張Menu佢睇，然後喺我揀嘅食物選項度又圈又Tick咁，嫌我揀唔啱佢口味。仲要問咗幾次：「真係只可以揀汽水咋？啲同事鐘意飲花茶多啲架，你再問下間餐廳可唔可以Free Upgrade比我哋吖。」
好一句「啲同事」，啲同事先無你咁得閒日日為咗飲花茶埋嚟煩住我。
背景交代完，講返當日，餐廳係一間普通Café，連埋經理大約四五個侍應。我哋大約30人已經霸咗半間店嘅位，所以一入去，侍應要即刻斟30杯水都堅係忙，就喺我同餐廳經理打緊招呼，準備再對一次Pre-order菜式嘅時候，港女就已經好大聲咁投訴：「喂！杯水無冰嘅？比啲冰我哋啦！」 😡
飲遲一分鐘會著火咩 🔥？但做慣服務業嘅經理好有禮貌：
「係係，唔好意思，即刻比你。」
然後經理繼續同我一齊對住部落單電腦核對菜式，丫個港女又大叫：「喂我抹完手喇，執走啲濕紙巾啦，阻住晒。執走佢執走佢！」 😡
我又何嘗唔想大叫執走「佢」？
網上圖片
我深呼吸咗一下，細細聲同經理講：「唔使理佢，我哋落埋單先。」 😐當時係星期日下午，間餐廳好Full，侍應們忙到踢晒腳，經理好緊張：「唔好意思呀詩寧小姐，今日人流比較多，比多少少時間我哋。咁吖，飲品方面我幫你做返個Free Upgrade，平時啲花茶同特飲要加$28，而家比你哋免費轉，多謝你哋選擇我哋公司。」
嘩我一聽到即刻勁驚 😱，喂你唔好縱壞啲死港女呀大佬！大聲同野蠻就R到港女最愛嘅花茶？咁以後我返工剩係幫佢投訴（R著數）都唔使做其他嘢啦！
我：「千祈唔好 😳！你比杯花茶佢，佢主要用嚟影相呃Like啫，剩係比汽水我哋就得喇，仲要只比兩款選擇，你叫你啲同事埋去問佢哋飲雪X定X樂啦，其他要加錢。」
經理完全摸不著頭腦：「下？橙汁都唔要？」 😲
我唯有講白啲：「你比咁多嘢佢哋揀，30人呀！你想落單落半個鐘呀？快啲食完比返啲位你做生意啦。」 😩
經理恍然大悟同我講咗聲唔該，然後拿拿林叫廚房安排食物，呢個時候我又聽到隔離檯嗰把煩聲對住侍應大叫：「下？得雪X同X樂？我唔飲架喎！有無Zero呀？比罐Zero我。」 😡
侍應：「唔好意思呀，我哋無。」
港：「下，Zero都無？我唔飲汽水架，怕肥呀…哈哈哈…一係搵人去買啦，詩寧…」嘩隻港女向我揮手呀 😱，正當我想Say No之際，盡力滿足客人所需嘅經理撲咗埋去：「我哋有Light。」港女個樣係「總算R到啲Special」 😏：「下…Light呀…um…好啦是但啦。」
網上圖片
開始食，我以為佢個口放咗食物就應該會靜一靜，點知又大叫：
「點解一碟串燒得5串架？我哋一張檯有6個人喎！」 😡
我緊緊地握實拳頭，忍住，當聽唔到，唔擰過去，一心想快啲食完散水。
港：「喂！6個人，得5串串燒點食呀！喂！」 😡
我同自己講，佢叫緊阿「喂」，唔係叫我，唔好仆出去應。 🙈 🙉
港：「喂！阿…阿…阿詩寧！」 😡
我粒聲唔出直接喺自己張檯拎咗兩串串燒行埋去放喺佢隻碟：「食飽佢！」然後轉身返埋位。 😤
眾同事睇實，港女覺得好無面，正所謂跌落地楋翻揸沙，佢喺度E E哦哦：「你比咗我，你嗰檯咪唔夠食囉，可能其他同事都想食呢，喂，咁理應係一人一串架嘛，喺公司睇Menu嗰時無數清楚幅相入面一碟有幾多串咩？咁咪唔夠細心囉，做嘢唔係咁架嘛…」 😒
再忍落去真係對唔住阿媽咁辛苦生我出嚟：「公司請我返嚟係為公司解決問題，而唔係服侍任何一個同事，除咗幫你問有無得免費轉花茶之外，我每日仲有好多正經事要做，我諗真係好冗嘅冗員先會數串燒。如果你覺得我做嘢唔夠細心或者有其他問題，歡迎你返公司同GM講我漏咗條串燒。」 😤 🍢 🍡
然後其他同事一人一句打完場：「唔緊要啦，唔食串燒食意粉吖，意粉都好好味…」 🍝 😅
網上圖片
一直都係我同餐廳聯絡，所以埋單嗰時經理好自然拎張單埋嚟比我，正當我諗住Check單，港女好興奮咁大叫：「呢邊！呢邊！等我埋吖！」 🙋🏻我心諗你咁好死？埋完單返去要填Form Claim錢喎，唔怕煩咩？
然後佢同另一個同事講：「好嘢，簽完呢張單就夠分換旅行喼喇！」
Tag cloud:
好工推介
職場熱話
- 1
- 2
-
康文署招聘二級文化工作助理員 月薪1.5萬至2.3萬 完成中四學業就申請得！
TOP 1 -
00後大學畢業回縣城做女司機 慳妹月薪¥2000日日食屋企飯
TOP 2 -
聖誕節 地產商指商場旺丁旺財 料生意額有雙位數增長
TOP 3 -
財政司司長辦公室招聘管事長 月薪2.3萬至2.9萬 喺呢方面須有3年工作經驗！
TOP 4 -
市民出境歡度佳節登機櫃位現人龍 遊台一家三口：外地餐廳較歡迎小朋友
TOP 5
-
華僑銀行再向初級員工派資助 總額涉逾4300萬 香港員工料獲5,400元
TOP 6 -
平安夜自助餐訂枱爆滿勝去年 市民挑選裝飾禮品：放喺廳度幾靚㗎
TOP 7 -
港青北上打工實況 月儲逾萬 年半還清廿萬Grant Loan 「明年月薪連補貼可達2.9萬」
TOP 8 -
逾3成港人聖誕考慮北上消費 24％港男不打算送聖誕禮物
TOP 9 -
移英港人一年誕2120嬰兒 生育率達10％ 高香港逾倍 一文看清中港英星生育獎勵政策
TOP 10
-
AlipayHK明年1月納入公共交通費用補貼計劃 即睇補貼計算及領取方法
TOP 11 -
醫管局最新年報揭開支達974億元 員工成本佔最高 行政總裁按年加薪逾30萬元
TOP 12 -
港人開心指數 今年僅得5.63分創近7年新低 逾半受訪者有中至重度抑鬱症狀
TOP 13 -
全球10大最繁忙航線 香港飛台北登榜首 惟仍比疫情前少15％
TOP 14 -
巴士加價4.3％至7.5％ 運輸署指返工路線加幅已較低
TOP 15
-
聖誕外遊越去越長 港人繼續青睞日本 旅行社營業額按年增逾一成
TOP 16 -
鳥貴族擬在港開10分店 市場低迷或成機會 用合理價取勝 明年冀進軍上海
TOP 17 -
報告稱本港奢侈品人均消費增3％至22萬 僅48％受訪者料明年增消費
TOP 18 -
奶茶店「退熱」 同質化價格戰打殘全行 一年倒閉近20萬間
TOP 19 -
英政府財政黑洞達2180億 擬裁逾萬公務員
TOP 20
