第一話 旅遊巴塞車遲到!?：https://bit.ly/2PYKu6V
第二話 農莊有蚊有泥!?：https://bit.ly/2Q9fFfI
第三話 6人5串燒點分!?：https://bit.ly/2xam9Ty
喺餐廳食完晏，#我的港女上司 搶住簽卡埋單儲積分嘅時候，我就逐檯同同事講：「旅遊巴大約十五分鐘後嚟接我哋，大家執定嘢或者去定洗手間。 🚻」同事都好合作準備收工迎接剩餘嗰半日Sunday。
呢個時候，堅持要飲Zero/Light減肥嘅港女靈機一觸問經理：
「我哋今日包咗你半個場，通常啲餐廳都會送甜品喎，點解你無送比我哋？」
我知你精明，但明知旅遊巴就到，而家先叫餐廳送甜品，即係一定上唔到車啦！係一定！ 🤦🏻♀️ 我勁焦急 😰：「Christy（港女個名），旅遊巴嚟緊，我哋要準時呀，出面唔停得車太耐架。而且頭先落車嗰陣，司機已經好惡咁講咗今日多Order，回程一定要準時，你都聽到架。」
港 😋：「哎呀，但我突然好想食啲Fancy嘢呀。」（雙拳放下巴，扭一扭條腰）
我 😖：「真係唔得…」
好有禮貌嘅經理打斷我 🙇🏻：「係咪仲有十五分鐘？我哋都有啲甜品可以快上嘅，心太軟 🍮或者Tiramisu 🍰好唔好？」
呢個時候，旁邊啲同事聽到有甜品食，大家即刻好開心咁傾揀邊樣 😄 😍 😋，敵眾我寡，我唯有收皮同埋打比司機問佢可唔可以遲少少先嚟 🤦🏻♀️。
都話咗個司機唔係省油的燈，喺電話省到我一面屁…
我將司機講嘅嘢報告比港女知，比人鬧嗰個唔係佢，同埋作為一個不負責任嘅上司，佢聽完無咩反應，然後繼續嘆佢個Tiramisu 🍰。
網上圖片
食埋甜品，比原定時間遲咗三十分鐘，期間我打過幾次比司機，一直都係直飛留言信箱 📴，都幾明顯係瀨嘢ed，身為Professional PR 😎，喺大家研究緊個心太軟係咪甜咗啲嘅時候，我已經搵定兩個的士台嘅號碼，做定心理準備一陣又比人鬧，同埋無啦啦要搭的士搞到Out Budget又要返公司填表…… 當我哋去到原定上車位置，果然，世界無奇蹟，個司機走咗 👋🏻。
其他部門同事勁慌張 😱 😫 😭，係咁圍住港女問：「喂，點解個司機會走咗架？今日個活動係你哋部門負責喎，咁而家點算先？點走呀？」
（我心諗，新界地方係僻啲，都唔使講到好似去咗荒島咁。）
港女個腦比Tiramisu塞住咗，係咁比同事Chur又諗唔到解決方法，廢柴上司一般點甩身？好簡單，隊隻鑊比下屬就得 😈，呢方面佢工多藝熟，一轉身就向我破口大罵 😡：
「詩寧！點解個司機會走咗架？你做咩唔叫佢等埋我哋呀？XXXXXXX」
轉咁多份工，我最唔驚就係無理取鬧嘅上司 😊，因為一個人廢先會Panic，Panic先要亂鬧人嚟掩飾內心嘅不安。
我一路都無理佢講咩，睇住佢擘大口吸晒馬路啲塵 😊，直到佢講：
「咁啦，事到如今，我哋行返去啦！ ☝🏼」
佢呢句說話令本來慌張中嘅同事們更加慌張 😱 😱 😱，「吓吓聲」此起彼落，如果路程近就唔使叫旅遊巴啦天才。 🤦🏻♀️
網上圖片
我等佢吸完塵之後，簡單答句Call的士，佢先彷然大悟咁嘅樣 😲。終於解散，同事已經喺度：「Bye Bye~聽日見~」港女叫我唔好走住，叫我記低D Point 📝，話聽日返工第一件事要立即投訴個司機！ 🔪
🎤如果你想我哭 憑恐嚇就能夠 而我其實真的收工要走 🎤
我真係唔想再同佢講嘢 🙄，只係搖搖頭，木口木面話 😪：
「唔得啦，我約咗人，你聽朝再話我知你想投訴佢啲乜啦。」一講完立即轉身走人，頭也不回。
無錯，此舉激到佢癲咗，係癲咗 👺！我行唔夠廿步個電話即響 📱，望一望，係港女，傻嘅先會接，電話愈響，我行得愈快……幾個Miss Call之後緊接就收到N個WhatsApp：
網上圖片
「詩寧，你有無搞錯，老闆同你講嘢你咁樣走咗去XXXXXXXXXXXXXX」
「你而家立即打去旅遊巴公司投訴咗先，一定要而家！！！到聽日先打去個效果就會唔同XXXXXXX」
「你打完去佢公司，覆返電話向我報告XXXXXXXX 」
「聽朝9點，你Book會議室，我同你一齊用Speaker Phone打去投訴多次XXXX」
如果係你，你會唔會打去投訴個司機？你會點樣覆個港女？
撰文：詩寧
Tag cloud:
好工推介
職場熱話
- 1
- 2
-
英電訊商推出AI婆婆智鬥電話騙徒 不只唐僧式嘮叨煩死賊 還可協助捉匪
TOP 1 -
會計師公會指仍有11％上市企業董事局只有單一性別 可供應女性董事人才
TOP 2 -
「香港企業網絡保安準備指數」上升5.8點 近7成企業過去一年曾受網絡攻擊
TOP 3 -
政府擬要求健全失業綜援受助人 須參與無償工作 違者罰停發款項7日
TOP 4 -
內地年輕人為慳錢寧租酒店洗衫 網上攻略教4粒鐘不停洗
TOP 5
-
最強護照排名 榜首新加坡擁免簽地區XX個 中國同香港特區排第。。。
TOP 6 -
港航明年重返長途國際市場 擬增聘6成員工
TOP 7 -
瑞士酒店管理強調體驗式學習 助畢業生提升職場競爭力
TOP 8 -
國泰香港員工平均加薪3.8％ 預料三跑啟用發展更好
TOP 9 -
私人工程大減 龍頭工程顧問公司低調炒人
TOP 10
-
輸入技術人才 勞福局：明年交代詳情 會規定取永居權前任職相關缺人工種
TOP 11 -
深圳科企掟百萬鼓勵拍拖 員工脫單3個月賞¥1000
TOP 12 -
2028年人力缺18萬 65歲及以上人口佔近三成 熟練技術人員少逾6萬
TOP 13 -
香港擺脫人才流失 金融業持牌人士近4.2萬名創歷史新高
TOP 14 -
投身註冊護士 開創事業新跑道
TOP 15
