「點解係你報警唔係職員報呢？都係當你遲到囉」，有打工仔發帖指今早在連鎖快餐店目睹一位老伯跌倒，頭部嚴重出血，遂報警留在現場協助，但通知公司有關情況，換來同事這樣回覆，慨嘆自己只是盡公民責任。更可悲的是，打工仔指在場僅有兩位食客和商場保安協助，「（職員）做嘢嘅繼續做嘢，返工嘅食完就閃人」，打工仔對公司和在場人士的反應感到婉惜，認為港人「返工第一」此特質非一朝練成。有網民慨嘆「冷漠如冰」，「人命關天幫手報警都當遲到？」
有網民今早在facebook群組「Tai Po 大埔」發帖指，上班前到連鎖快餐店吃早餐，見到一位伯伯失平衡跌倒，頭部嚴重出血，於是報警。在場有一男一女途人協助，商場保安人員其後亦到場。報警後，警方着樓主和協助途人留守現場協助，直至救護員前來。
facebook群組「Tai Po 大埔」截圖
由於接近上班時間，樓主於是WhatsApp現場照片，並致電公司交代情況，詢問這種情況下遲到會如何處理，結果同事反問，「點解係你報警唔係職員報呢？都係當你遲到囉，公司冇呢類情況指引。」樓主聞言不禁想：「其實只係盡公民責任，普通市民都報得警架嘛下話？」他在帖文續說，「協助的女士都抱怨佢不斷叫其他幫手報警，都冇人願郁，現場得我哋3人及遲來嘅保安幫呢位伯伯，其他人包括現場職員冇一個肯幫手，做嘢嘅繼續做嘢，返工嘅食完就閃人，街坊繼續做塘邊鶴。」樓主直言對眾人反應感到婉惜，認為港人已練成「返工第一」特質，並相信此特質與公司政策催化、政府對社會上「揾朝唔得晏」實況視而不見有關。
帖文掀起熱議，網民都大撐樓主做好事，「指引係死嘅人係生嘅，真心覺得你做得好啱，撐你」、「就算扣晒成份糧都要幫」、「嗰啲公司/ 上司唔值你為佢賣命」；另有網民認為，「現場職員冇一個肯幫手，呢個先全主因」，慶幸樓主和途人、保安協助，伯伯才能及早診治，「您是做良心事，伯伯可能有您先能夠得到提早嘅醫治」，有網民則認為「不要理其他人，你只要做好你的本分就可以，亦不要執著其他人有沒有幫手， 總之你已經做了好有心的事」。
網民留言截圖
資料來源：星島日報、facebook群組「Tai Po 大埔」
Email: advertising@jobmarket.com.hk
Email: enquiry@jobmarket.com.hk
