職業無分貴賤。不過，有網民則在網上發文指，近日到灣仔乘坐腳踏船時，看到兩名在場拉船的「阿叔」，認為他們甚為可悲，「到50歲都只可以做一啲下欄工作」。
該名網民在連登討論區以「今日去咗灣仔玩鴨鴨船，見到兩個拉船嘅阿叔，覺得佢哋好可悲」為題發文，提到自己到灣仔海濱公園乘坐腳踏船，因為看到兩名負責拉船的職員而有感而發。他指，該兩名職員看似已經50多歲，但是仍然在場為別人拉船，又指「如果人生冇規劃+基因失敗，到50歲都只可以做一啲下欄工作，只可以卑躬屈膝咁樣服務人哋，人工仲要兩萬都冇」。他又提到，「幾時都話要趁後生嘅時候增值自己，唔可以永遠比自己故步自封」，並直言「如果畀我4-50歲仲做緊呢啲工作，真係不如死咗佢」。
相關帖文隨即引起熱議，有人認同樓主的看法，並指「雖然講嘢好難聽（對佢哋而言)，但講嘅都係事實，社會階級就係咁現實」等。有人則認為相關工作沒有問題，並指「返工完全無壓力一流」、「咁到時邊X個幫你拉船」、「勞動工作或厭惡性工作始終要有人去做，唔係呢班人，你生活邊有咁美好」等。
有人則批評樓主的言論，並指「樓主狗看眼人底」、「樓主以職業取人，就是一個失敗」、「態度問題囉，你人生好成功，但冇咗一份謙遜 或者你認為唔需要，但人哋都唔會想同你討論囉」、「點解可以擅自決定人哋係咪可悲」等。另有人則認為人不可以貌相，並指「自從睇新聞知道唔知邊個執紙皮嘅阿婆有幾層樓，就無你呢啲弱智諗法了」、「大把阿叔有幾萬蚊收息每月，打份風流工」、「工廈有個阿婆每日都喺度執紙皮，成日霸住部𨋢，本身好同情佢，有次樓上漏水先知原來樓上有幾個單位嘅業主都係佢」等。
他在回覆留言時則指，「周街都係大把呢啲下欄阿叔」，並指「以我所知十個有九個做下欄工嘅阿叔都係垃圾」。他又指，「好多嘢唔係我睇緊表面，但係100個做下欄工作有99個都係失敗者，我因為嗰1%人而影響我判斷佢唔失敗？有必要？」他亦建議其他人應該努力進修，「搵一個專長去學習」，並指「我冇講過佢哋對社會冇價值，我只不過講對個人而言，佢哋人生好失敗」，又指「有啲人永遠只可以做最低層嘅工作，所以希望啲後生嘅人唔好畀自己4-50歲做呢啲工」，亦指「成功唔一定要搵得多錢，但40歲仲做垃圾工，就一定係垃圾」。他又強調，「我只係想提醒後生仔發憤圖強」。
資料來源：連登討論區、星島日報
好工推介
職場熱話
- 1
- 2
-
求職者彈出又彈入 力搲工作機會後又拒絕Offer 前後拉鋸2年 最終被納入黑名單
TOP 1 -
面對AI浪潮 職場新鮮人點先可以提高競爭力？
TOP 2 -
十號風球下快餐店成戰場 經理情緒失控 員工連踩11小時近崩潰
TOP 3 -
職場新詞「安靜崩裂」 即使努力工作 內心卻早已疲憊不堪
TOP 4 -
Netflix首用生成式AI製作影集 製作速度快10倍 有效降特效成本
TOP 5
-
全球裁員潮 員工最容易有職場倖存者症候群 六成人感到過勞 七成人工作動力明顯下降
TOP 6 -
環聯：Z世代收入增加比例最明顯 39％消費者削非必要支出
TOP 7 -
日本興起出租阿嫲 唔只做家務湊細路 仲可以陪談判分手
TOP 8 -
公共圖書館變「扮工」聚腳地？失業港人每日必到＋做3件事
TOP 9 -
87％港畢業生對前景充滿信心 最愛金融及STEM行業 憂AI帶來顛覆
TOP 10
