不少人大學畢業後，都會不禁為前景而苦惱。有港女表示，修讀心理學的妹妹將大學畢業，但她因為不知道可以從事哪些工作，而希望繼續升學。樓主聽後便批評，妹妹只是在逃避現實，加上家裡無法負擔其學費，認為她未有考慮家中經濟狀況，「大咗都唔會幫屋企諗吓」。
該名港女在網上討論區「香港討論區」上，以「阿妹今年大學畢業，佢話佢想繼續讀上去...」為題發文，指妹妹在大學修讀心理學系，直言不知道她畢業後可從事甚麼工作，但家人看她「讀得書」便未有干預。
該名港女在網上討論區「香港討論區」上發文
樓主表示，妹妹即將大學畢業，父親日前問她畢業後的打算，妹妹便表示「想繼續讀上去」。樓主直言「讀得書唔係唔好」，但妹妹亦應為未來作好打算，批評對方繼續升學只是逃避現實，「佢根本就係唔想做嘢先咁多藉口，但係你都諗之後想做咩㗎，唔通為咗唔想搵工而成世都讀書咩？」
樓主又指，父母年紀大，認為妹妹應工作供養父母，加上家裡沒有太多儲蓄供妹妹升學，即使申請政府學費貸款，妹妹亦要工作還錢，「佢一日唔做嘢邊有錢還？又係等屋企幫佢還。」雖然父親曾勸妹妹放棄升學，若一定要繼續升學便半工讀，但妹妹聽後卻一口拒絕，兩父女更為此而「炒大鑊」。
樓主批評妹妹不為家人著想
樓主批評妹妹不為家人著想，指若她選擇繼續讀書，亦應負責家中水電煤費用，「佢話佢唔係唔想搵嘢做，而係佢讀完都唔知可以搵咩做，所以先決定繼續讀；但係又唔諗吓屋企人，剩係想做就點。唉，由細到大寵慣咗佢，搞到而家大咗都唔會幫屋企諗吓。」
帖文引起網民熱議，不少人都批評樓主妹妹行為自私，又指她「為讀而讀」、心態不正確，建議樓主與她好好溝通，「逃避現實的表現」、「似逃避現實為讀而讀，依家唔係佢一個人嘅事，會害咗全家人，必須再講清楚，讀心理學但沒有同理心，尤其是自己家人的境況，枉讀書了」、「佢根本就係唔想做嘢先咁多藉口」。
不過亦有網民指，修讀心理學系要繼續升學才有更多出路，日後亦能從事較高薪的職業，建議樓主讓妹妹繼續升學，「心理系唔繼續讀都真係兩頭唔到岸認真」、「吓，樓主如果為阿妹著想就應該鼓勵畀佢讀埋佢，最好讀到碩士，坦白講讀完心理學得大學學位，係無用嘅，又難搵工，搵到都唔賺到錢，反而比佢讀到碩士做心理學家或心理相關工作先搵到錢」、「你阿妹咁做係正常㗎喎，因為佢讀果科真係要繼續讀上去先會有出路」。
資料來源：香港討論區 / 星島日報
好工推介
職場熱話
- 1
- 2
-
七一放假好去處 海洋公園二人同行八折 M＋科學館免費入場
TOP 1 -
郵政署招聘會計主管 月薪$18,916 申請人須具備咩條件？
TOP 2 -
中大調查：七成市民認為香港貧富懸殊嚴重 約一成表示入不敷支
TOP 3 -
研究：社會氛圍複雜多變 四分之一對職涯持負面看法 49％人對未來財政狀況感不安
TOP 4 -
碩士畢業37歲打工仔 失業5個月 12年工作生涯冇份工做得長 大呻：學歷呢個包袱太重
TOP 5
-
40歲打工仔MPF資產中位數66萬元 BCT籲善用自願性供款
TOP 6 -
一大早交report 老細睇一眼就話啲數錯 事後原封不動再交又話啱 網友：樓主錯在呢樣嘢！
TOP 7 -
調查指24％專業人士正考慮退休移居外地 近半數選擇大灣區 33％選擇英澳加
TOP 8 -
內地年輕人興起做全職「全職乖孫」 唔揾工 喺屋企照顧長輩起居飲食
TOP 9 -
黃傑龍明言餐飲迎淘汰期 北上消費潮非唯一原因 籲業界極力轉型
TOP 10
