有些玩笑實在不應該開，否則好易激嬲人！有網民分享某年愚人節，公司一名同事謊稱突然被經理「炒魷」，其他同事大感錯愕，遂陪他食散水飯，更有同事為他抱不平致電經理質問解僱原因。怎料，之後眾人才發現是該名同事開的惡劣玩笑，紛紛因被騙而感到憤怒。
有網民在社交媒體Facebook專頁「辦公室日報」投稿，分享多年前的愚人節，在舊公司有一名男同事突然整理其辦公桌面，並將雜誌全放進紙箱內，其他人感到事有蹺蹊，一問之下，對方竟表示：「畀人炒咗啦，今日last day（最後一天上班）！」
一眾同事都感到相當驚訝及失落，紛紛追問原因，而該名男同事就一臉認真地表示，因與經理大吵一架，「被炒」一事已無法挽回。其他同事便提議即晚吃散水飯，除了一人要陪父親看跌打外，部門內其餘5名同事都出席，有已離職的同事特意下班後赴約，而樓主更推掉與女朋友的約會，「寧願嘥咗兩張戲飛」。散水飯上，不少人都追問該名男同事離職後的打算，又大講經理壞話，有幾名同事飯後亦有「攬一攬」該名男同事。
一眾同事都感到非常憤怒。（《愛·回家之開心速遞》劇照）
不過，事件之所以被拆穿，是由於有一名相當有正義感的同事，竟直接致電經理，質問解僱該名男同事的原因，方知道原來一切都是一個玩笑。「被炒」的男同事究後稱，當天純粹想執拾雜誌拿回家，見同事們會錯意，便「順勢玩吓」，更問「唔係唔玩得啊？」
事件令一眾同事都感到非常憤怒，樓主亦怒指：「愚唔愚人節都好啦，開玩笑始終要有個底線」，認為自己的同情心被利用。事後，該名男同事被經理大罵了一頓，而當晚打電話替他出頭的同事，之後與經理便產生了芥蒂，情況相當尷尬。
大批網民看完帖文後，都留言批評開玩笑的同事行為自私及不懂分寸，「見成班同事約食farewell飯好自爆啦，唔怪得人哋嬲㗎喎」、「有冇人同我一樣覺得佢好幼稚？成年人玩啲咁嘅嘢？」、「最憎啲人攞人同情心嚟玩」、「玩一陣就好自爆係開玩笑啦，仲要繼續玩落去就太唔知分寸喇」、「呢個同事堅料呀，一次過得罪所有人」。
資料來源：辦公室日報/星島日報
好工推介
職場熱話
- 1
- 2
-
酒店管理三年制學士課程 理論＋實踐 提升軟實力
TOP 1 -
「職場新丁」勿放棄儲蓄及投資 盤點6大低門檻方法 捕捉股市升勢兼收息
TOP 2 -
辭職休息就等於懶 網民：香港職場對休息仍相當保守
TOP 3 -
同同事打招呼但係被無視 網民：係咪香港職場先會咁？
TOP 4 -
返工鍾意獨處 唔合群就係錯？3種方法保持最低限度溝通
TOP 5
-
微軟研究：「無限工作日」成職場新常態 朝六收電郵 晚十開會 每日平均收270工作訊息
TOP 6 -
七一放假好去處 海洋公園二人同行八折 M＋科學館免費入場
TOP 7 -
郵政署招聘會計主管 月薪$18,916 申請人須具備咩條件？
TOP 8 -
中大調查：七成市民認為香港貧富懸殊嚴重 約一成表示入不敷支
TOP 9 -
研究：社會氛圍複雜多變 四分之一對職涯持負面看法 49％人對未來財政狀況感不安
TOP 10
