行行有本難念的經，不少服務業人士都要忍受客人的無理取鬧，不過日前一名保安員的好心態就獲網民讚賞。這位保安員提醒住客戴口罩，反被住客「發爛渣」，但她就認為「冇所謂啦！好小事」，反而感恩疫情下自己有工開已經很「好彩」。
網民在「辦公室日報」Facebook專頁投稿指，日前回家見到一個大叔狂鬧大廈的保安姨姨，言詞極盡粗鄙。保安姨姨平日都很有禮貌、態度很好，網民不解有何得罪了該名住客。一問下才知，原來保安姨姨只是提醒大叔要戴口罩，大叔要到大堂取外賣，覺得搭電梯只是幾分鐘的事，「而保安姨姨要佢戴返口罩就等於落佢面，條氣唔順，阿叔覺得交咗管理費就係全個屋苑所有保安嘅老細，所以大X晒」。
「辦公室日報」Facebook專頁截圖
網民幫保安姨姨批評大叔，大叔最後粗魯地接過保安姨姨遞給他的口罩就離開。網民提醒姨姨，「下次叫阿頭嚟吖嘛，呢啲阿叔蝦女人就叻」，不過姨姨就說，「冇用㗎，佢哋會叫你唔好同住客嘈，總之有起事上嚟都係我哋錯，冇所謂啦！好小事。」
保安姨姨說，自己已看開，最緊要有工開。原來她兩個兒子仍在讀書，她鼓勵他們用功讀書，將來才可以揀自己喜愛的工作。「奇怪人邊度都有，我反而覺得自己好彩，幾年前讀個保安課程，嚟呢度做都算穩定，最近多咗人失業呀，好多人登記想喺呢個屋苑做，但係冇晒位要排，好在當年我讀保安諗住有一技之長咋。」
不少網民都留言讚賞姨姨的心態，「呢個姨姨好耀眼！其實工作真係無分貴賤」、「屋苑有盡責的保安是好彩」、「事實係好多香港人都自以為高人一等，成日蛤人」，亦有人表示應不斷進步，「有時間真係去學下嘢進修下」、「依家去學啲嘢喺手，唔知幾時又真係會有用」。
資料來源：星島日報
Email: advertising@jobmarket.com.hk
Email: enquiry@jobmarket.com.hk
