有全職媽媽在網上討論區「親子王國」發文抱怨，一家居住在八鄉偏遠的村屋，丈夫每日搭的士上班，但就不顧妻子每日帶住2名女兒大清早迫車頻撲跨區上學，令她心力交瘁，而丈夫都不聞不問，令她決意自行帶女兒租樓搬出市區。
這位忙得焦頭爛額的媽媽發文指，獨自照顧就讀小學一年級的大女及就讀幼稚園K2的幼女，每天帶兩女返學，無家人支援。她透露，大女8時上學，6時15分就要叫2個女兒起床，7時15分前要上車否則遲到，因落巴士後行去學校要10分鐘。「每日迫巴士返學，巴士經常滿座/脫班，有車只有企位，都唔緊要，但成日喺車俾人用唔友善嘅眼光望住，但係我地3個真係無掂到佢哋」。
親子王國截圖
媽媽接續說，送完大女上學，就要行20分鐘送幼女上幼稚園，由於只上2小時課，「即係我要一直喺條街度等細女放學，細女放學係10點半 ，仲有兩個幾鐘家姐先放學，呢段時間一直冇得返屋企，而家天氣熱更加唔敢買定啲餸，每日就不停喺條街度虛耗光陰，要阿女陪我喺街唔知做咩」。
她之後要在大女放學前買好外賣，「接佢放學後搭車回家，每日返到已經2點，先至開始食午飯，做功課，我先開始做家務，準備晚飯，沖涼，每晚搞到七點幾先開飯，小朋友食完飯無幾耐已經要上床瞓覺，每日啲家務都要喺親子時間度剝削」。她透露，學校無校車，而保姆車又不接送到她一家居住的鄉村，「一轉的士差不多80，到（大埔林村）許願樹已經跳到40幾」。
親子王國截圖
她多次向丈夫反映希望搬出市區居住，但丈夫無動於衷，「有幾次更加話佢好享受住村屋，唔想搬」。她抱怨，「每朝早叫佢（丈夫）叫啲小朋友起身，好似攞咗佢條命咁，日日喺度嗌我就嚟遲到啦，跟住自己飛咗出門口，其實佢時間觀念真係好差，但係唔知點解要學人住村屋，仲要唔肯搬」。
親子王國截圖
媽媽上周忍無可忍跟丈夫表明，「你唔肯搬唔緊要，你繼續喺度住，我同兩個女搬去套房。每日咁樣我真係好辛苦，我細女更加辛苦，返8點半，但6點15分就要起身，每日接完家姐放學搭車返嚟，一上車就瞓着咗，要抱落車」。結果丈夫完全不理2個女兒感受，「佢嘅態度係完全覺得個老婆咁樣付出係理所當然，又話我唔早啲瞓，但係其實我都好想早啲瞓，但係每晚完成啲家務已經係12點幾，第二朝5點45分要起身」。
親子王國截圖
她於是決定跟2個女兒搬出去市區的套房，「呢段日子我會搭的士出入，我見到細女每日攰到咁，返到黎食飯都無精神，大女好生性幫我拎好多重嘢又孭住書包，好心痛佢哋每日少咗好多時間同佢哋玩」。
不少網民都指責丈夫無責任心、自私自我，「真係唔明，點解會有啲咁衰的老竇同老公，淨睇自己」、「好同情你一打二，仲要有個唔識關心自己嘅老公。估計你們住許願樹再過八鄉那條路嘅村屋，就算讀大埔學校，都勁唔方便，車又疏。你老公仲唔解決住屋問題，婚都有得離。」有人建議，發文者應該為女兒轉校，安排在家附近就讀。也有網民建議發文者用打算租住套房的錢每日搭的士解決。
資料來源：星島日報、親子王國
好工推介
職場熱話
- 1
- 2
-
內地企業設機械人訓練學校 煮飯清潔維修 樣樣有得練
TOP 1 -
被裁員點同面試官解釋？ 專家：「誠實是關鍵， 但方式更重要」
TOP 2 -
經濟動蕩 想儲多個錢旁身 即睇8大無痛儲蓄法
TOP 3 -
環聯稱港可疑詐騙連續5年超全球 人均損失3.3萬 零售業騙案激增 金融為何減少？
TOP 4 -
稅局今日寄出「綠色炸彈」 薪俸稅點樣計？ 2025年有咩扣稅措施？
TOP 5
-
AI人才渴市 識駕馭AI 年薪可達200萬！
TOP 6 -
港女帶埋男朋友嚟見工 見男朋友擰頭 即話「呢份工唔太適合我」
TOP 7 -
大馬前空少換跑道 在港落地生根 人才辦全球力推港優勢 吸引國際人才集聚
TOP 8 -
南韓公司推員工清潔管理活動！規定員工日日沖涼加洗衫 辦公時間內用除臭劑辟味
TOP 9 -
加拿大學院SAIT 一條龍實現海外升學、就業、移民夢！
TOP 10
-
長者不退休繼續工作 為獨立還是為生計？
TOP 11 -
提早退休反而更易衰老？專家：55歲前退休最明顯！
TOP 12 -
司法機構招聘合約司法機構事務助理 月薪17,200元
TOP 13 -
內卷白熱化 國企招聘1,730空缺 竟收120萬份簡歷
TOP 14 -
所謂整頓職場其實得啖笑？網民：最終都係搏命嗰班贏晒
TOP 15
-
對ChatGPT說「請、謝謝」 竟燒掉數千萬美元
TOP 16 -
日本接近半數年輕打工仔有好孩子症候群 咩都話冇問題 但最後會辭職
TOP 17 -
獨樂樂一啲都唔怪 日本研究：九成打工仔喜歡獨處 無職場朋友並唔孤單
TOP 18 -
AI成職場必要技能 Shopify：招聘新員工前確定AI能否取代
TOP 19 -
遞信先至識挽留？網民：「辭職如分手，一去冇回頭」
TOP 20
