最近有位HR在Threads上分享了一次相當「奇妙」的面試經歷，引起網民熱烈討論。
那天她安排了一位女性求職者面試，開門時卻見到一對情侶站在門口。雖然履歷表上只有女方的名字，但男朋友竟然一同來到。HR本來禮貌安排女方入房面試，男方在門外等，點知女方開口問：「唔好意思，我男朋友可唔可以一齊入去？」HR當下有啲錯愕，但仍然勉強答應。
整個面試本來談得不錯，氣氛也算輕鬆，直到最後問到女方有冇問題想了解、幾時可以上班。這時男朋友突然搖了兩下頭，女方就即刻改口：「唔好意思，我覺得呢份工唔太適合我。」搞到HR完全摸不著頭腦，只能尷尬地說聲「多謝你哋今日嚟面試」。
貼文一出，引來不少人留言分享自己曾遇過的離譜面試經歷。有人說面試一位女仔時，發現她CV上寫的聯絡電話係男朋友的；學歷寫錯學校名，甚至專業技能一欄寫「可愛」。HR問她點解寫「可愛」，對方答：「份CV係同男朋友一齊整嘅。」
另一個笑到噴飯的case係，有人帶阿媽嚟見工。HR請阿媽出去等，結果阿媽反應超大聲：「你哋係咪想欺負我個仔呀？我一定要陪佢入去！」HR最後只能冷靜回應：「咁你帶返個仔走啦，我哋公司唔請巨型BB。」
也有HR講起最近一位求職者臨時改時間，轉成電話面試。結果一開口就打斷HR介紹公司，問工時、待遇，仲自信爆棚話自己「冇缺點」，最終仲開出萬七人工，完全無視招聘寫明萬四至萬八，而且冇半點相關經驗。
另有職員要公司幫手出房署薪金證明，但唔講清楚要求，最後仲帶埋父母上公司攞證本，搞到場面好尷尬。
網民睇完都忍唔住話：「返工唔係拍拖，樣樣都要黐孖公仔，咁樣點請得落？」有HR甚至直言：「唔好再帶埋另一半嚟返工啦，不如留喺屋企做少奶奶仲開心。」
Email: advertising@jobmarket.com.hk
Email: enquiry@jobmarket.com.hk
