兩餸飯店本來號稱「窮人恩物」，飯餸款式多又便宜，廣受市民歡迎。隨着兩餸飯餐廳在各區越開越多，近日有香港網民認為兩餸飯店數量太多，或會衝擊本地餐飲業甚至「蠶蝕香港」，導致香港經濟變得更差，惟不少網民不認同他的看法，直斥有「好服務怕乜搶生意？」即看下文了解網民對兩餸飯店的睇法。
日前，有香港網民在連登討論區以「兩餸飯店埋葬全港老闆，害死香港」為題發文，訴說自己對兩餸飯的看法。該網民表示，「兩餸飯摧毀咗好多野，消滅咗好多飲食業嘅中間服務過程同人員」，更指香港市民因有兩餸飯而不用外出吃晚飯，「將成個夜繽紛都拆散咗」，衝擊所有類型的餐飲行業，令社會越黎越窮；又認為兩餸飯本來是經濟差的產物，最終亦會造成經濟更差的結果。
帖文一出，隨即引來不少網民回應。大部分網民持相反意見，直言「係好食、好服務怕咩兩餸飯搶生意」、「其實兩餸飯有咩問題？食嘅係啲食物，想食個服務就去高級餐廳啦」；亦有人認為兩餸飯店越開越多，是因為其他食肆又貴又難食，「酒樓仲煮得差過兩餸飯」、「團年飯去海X食成千幾蚊，仲難食過兩餸飯，真係XXXX」、「出面炒個小菜都100蚊以上，邊食得起。唔食兩餸飯都唔會出去食囉」。另有網民認為導致經濟差的惡性循環，歸根究底還是業主每年加租，從而令食肆加價，最終受苦的是星斗市民。大家又對兩餸飯店有甚麼看法？
資料來源：星島日報
Email: advertising@jobmarket.com.hk
Email: enquiry@jobmarket.com.hk
