由小到大，家人和長輩都經常說「讀好書，先有好生活」，到底是否學習成績好就可以有高薪金呢？有網民就於連登討區發帖，題為「當年中學成績最好嗰個，係咪生活過得最好？」，分享自己早前在社交媒體發現當年會考最高分的同學現在於一間小型公司擔任文員職位，對此感到驚訝。此文引起網民的熱烈討論，紛紛留言分享他們的親身經歷。
樓主講述自己當年會考後，便到另一間學校升讀中，因此和部份同學失去聯絡。樓主表示現已從大學畢業多年，最近於linkedin找到了當年會考最高分的同學的資料，發現他遲了兩年才大學畢業，大學畢業後又有差不多兩年的空白期，現在於一間不知名公司當文員，「當年係學校咁威威，出到嚟都係做文員仔」。
有網民表示最重要還是要家底好，「有父幹」就不用為生活擔憂，「當年中學最有錢嗰個，係生活過得最好」、「呢句真，最叻咪又係做到隻狗咁，有錢嗰班本身有幾層樓收租，打下風流工得閒去吓旅行，未做嘢已經可以退休」、「識一個有錢中二已經退休，乜X嘢打風流工」、「fb見到當年有錢同學係外國讀完2個degree ，跟住問我去英國定美國讀master好，而家讀緊，佢仲未番過工」。
不過，有網民就質疑樓主的學校「廢」，「我中學成績最好個幾個，會考30分拔尖左4個好似，做緊醫生、精算、ibank，搵幾多就唔知了，但唔會係文員囉」、「第一都做文員佢入咗咩科啊」。網民們都指出成績好的同學大多從事金融、醫生、律師等行業，生活都過得不錯，有些甚至已移民到海外。而中學時成績一般的同學則大多畢業後便投考警察，工作穩定，人工、福利皆不錯，「依家做埋PTU有車揸，都幾好野」。網民一語導出重點，「讀書叻做專業人士、讀書差做保險狗/sales，都搵到錢，讀書中等都中等」。
當然，讀書成績好能找到好工作，人工相對亦較可觀。即使人工不錯也並不等於生活過得好，「讀LAW好, 做律師好，揀得呢條路，就注定生活過得唔好 (有番工冇放工)」。「咁大隻蛤乸隨街跳」，有付出才有回報，這些專業人士都付出了大量的心血和時間於工作上。每個人都有自己追求的事，有些人一心想賺大錢，改善生活質素；有些人則想追夢，做自己喜歡的事。一切並沒有一個標準，自己喜歡便好了。
來源：連登討論區
Email: advertising@jobmarket.com.hk
Email: enquiry@jobmarket.com.hk
