【廢青求職攻略】最差的見工技巧：「只被問而不發問」
上篇提到，難得收到電話叫你見工，去到一定要講多Ｄ嘢、問多Ｄ嘢，就算唔請你，最少都要知吓間公司嘅運作，有嘢拎走先對得住自己嗰程車錢同時間！知多Ｄ，他日喺第二間公司做都有著數。除咗人工同福利，仲有乜嘢係你需要知道嘅呢？
網上圖片
「點樣分工？」
點樣分工又係重要，同事間點樣夾法，係直接影響到你將來work load同處事方式，例如去過A公司見工，Interviewer話佢條marketing team五個人，一個負責網上媒體、一個負責印刷品同傳媒關係、一個負責internal同事同公司會員關係、仲有兩個負責搞event；之後再去B公司見工，Interviewer同你講佢條marketing team五個人，每個人都一齊做哂上述所有嘢，佢地係用project分工嘅，輪流做leader，再每次都由leader分配工作。
你覺得A公司定B公司個分工好啲？其實無標準答案，但就好明顯係一間訓練專才，一間訓練通才，視乎你想做專注叻一樣嘢定係周身刀？我想用呢個例子說明，如果你見工嗰陣唔問，對方真係未必會講得咁清晰，當個過程只有佢問你，佢根本唔需要主動講自己公司嘢比你知，但如果你問佢呢？咁佢需要答你喇，而分工又唔係機密嘢，普遍都會講，加上佢聽到你識問問題，證明你有腦亦識考慮實際工作，呢啲都係加分位。
網上圖片
「上手做咗幾耐？」
曾經有朋友話佢會問：「上手點解辭職？」我覺得咁樣實在過份直接，對方多數唔會答，仲要有好多借口耍走你例如「呢啲係佢私隱，我唔方便答。」「每個同事辭職都有好多原因嘅，好難一概而論。」咁就已經KO你。再諗諗，就算佢答，個答案都未必可信，因為你唔會搵得返阿上手出嚟問，即使你哋有交接，佢人之將走，都好嚟好去夾哂口供，真相要到你瀨嘢、中伏先知道。
但我會問：「上手做咗幾耐？」Interviewer聽落去舒服啲，戒心都低啲，而且咁樣問法就無咁涉及「私隱」，實在無咩理由唔答。如果佢個答案係三年或以上，咁你都放心啲，份工未必好好，但起碼伏極有限。如果係一年或更少，你亦唔需要講嘢，只要露出一個驚訝眼神，對方自動會講埋落去，懶係解釋咁，因為佢都會驚嚇走哂啲人請唔到人做嘢，啲嘢無人做，佢慘過你。
返工講經驗，見工都係，當你見多幾次，問多幾次，自然知道對方講真定講假。想再穩陣啲？其實我仲有一個絕招，不過就有啲代價，唔係人人敢試，想知？歡迎到各大書局買我本書，《聽日準時轉工啊》。
好工推介
職場熱話
- 1
- 2
-
司法機構招聘合約司法機構事務助理 月薪17,200元
TOP 1 -
內卷白熱化 國企招聘1,730空缺 竟收120萬份簡歷
TOP 2 -
所謂整頓職場其實得啖笑？網民：最終都係搏命嗰班贏晒
TOP 3 -
對ChatGPT說「請、謝謝」 竟燒掉數千萬美元
TOP 4 -
日本接近半數年輕打工仔有好孩子症候群 咩都話冇問題 但最後會辭職
TOP 5
-
獨樂樂一啲都唔怪 日本研究：九成打工仔喜歡獨處 無職場朋友並唔孤單
TOP 6 -
AI成職場必要技能 Shopify：招聘新員工前確定AI能否取代
TOP 7 -
遞信先至識挽留？網民：「辭職如分手，一去冇回頭」
TOP 8 -
同事霸道又情緒化 港女每日返工如入地獄：已經踩我底線好多次
TOP 9 -
唔計畢業證書 學校知識對返工有咩幫助？
TOP 10
-
Chiikawa店員親爆大戰黃牛黨內幕 揭黃牛提早大舉入侵原因：連主辦都措手不及
TOP 11 -
扮忙係為咗反抗公司政策？GenZ興起Taskmasking
TOP 12 -
香港樹仁大學 逆境及創傷心理學社會科學碩士
TOP 13 -
裝飾及維修工程需求日增 求才若渴 入行好時機
TOP 14 -
廣州「以舊換新」補貼最高¥2萬 香港零售業將雪上加霜？
TOP 15
