遇到善良的老闆確實會令員工的歸屬感大增。有打工仔在網上分享指自己在製鞋公司工作，並會在年尾將樣本送給其他人，最終沒人接收的樣本則會被丟到附近的垃圾桶；而老闆早前撞破一名中年女子正在檢拾公司棄置的樣本，隨即說出一句話為對方化解尷尬。事件獲得大批網民稱讚。
該名打工仔早前向facebook專頁「辦公室日報」投稿，提到自己在製鞋公司工作，在年尾則會將樣本送給其他人，「送唔晒就運去銷毀」。今年因為大部分樣本亦已有同事接收，隨後只剩下3、4對鞋沒人挑選，因此最終直接棄置到公司樓下的垃圾桶。樓主提到，隨後剛好與老闆一同下班並走到公司樓下，看到一名年約30多歲的女人，「遮遮掩掩執緊頭先丟嗰啲公司鞋sample，佢當時都見到我哋，表情突然顯得好尷尬」。其後，老闆見狀後隨即說了一句：「嘩，啲鞋咁新淨都唔要呀？好嘥喎！」樓主指，看到該名女子「喺眉宇之間成個人放鬆晒，冇咗嗰種唔好意思嘅感覺」，並直言「雖然係好小好小嘅事，不過唔知點解覺得老細好善良。」
相關帖文隨即引起熱議，並獲得逾6000人讚好。不少人稱讚樓主老闆的行為，並指「感恩世上仍有善良的人」、「呢啲老細跟得過」、「好人一定有好報，預祝老闆賺大錢」、「所以有啲人真係應該做老細」、「善良嘅老闆會有好報」、「有個能將心比心嘅老細真是好幸福，對陌生人都咁，對下屬應更好」、「咁微細嘅位都做得好又夠轉數，呢啲老闆跟得過兼要留低學多啲嘢」、「有時幫人好下台是功德」、「有時幫人唔洗咩好偉大嘅舉動，呢啲體恤人地心情嘅小地方都好暖」、「你老細真係一個善良嘅人，真係真心感動」等。
另有人則建議樓主的公司可以將沒人要的鞋樣本轉贈有需要的人，並指「其實唔應該丟，應該攞去捐畀有需要的人」、「可能會有些慈善機構可上門拿sample？ 反正都係要運去銷毀，唔知可否正接運去慈善機構？我工作的公司（海外）有時候都會有慈善機構上門推走一堆公司賣不出去的次貨，感恩沒有浪費」、「請問可否給我鞋公司聯絡方法？如有不要的鞋，可否送給露宿者？我可安排運輸及費用」等。另有人則分享指，「我做過大牌子嘅鞋公司，冇人要嘅sample 鞋，公司要搵姐姐特登𠝹爛晒先至丟，費事有咩事要負責任」、「之前我見過係每次都係掉左腳先，下一次先掉右腳等人無得執㗎」等。
資料來源：辦公室日報、星島日報
好工推介
職場熱話
- 1
- 2
-
民安隊全年招募一級隊員 無須經驗 訓練助掌握救援技能
TOP 1 -
康文署招聘流動圖書館助理員 月薪20,705元
TOP 2 -
移民公司招聘指定8大MBTI類型 網民熱議：係咪歧視P人？
TOP 3 -
香港經濟係咪真係咁差？網民熱議：而家好似平衡時空咁
TOP 4 -
外向嘅人喺職場上真係著數啲？網民：内向都可以識溝通！
TOP 5
-
2025職場5大趨勢 職場倒退或成新常態
TOP 6 -
Instagram青少年帳戶本周起擴至香港 「16歲以下」強制不公開 家長可設定時間限制
TOP 7 -
裁員潮殺到埋身？如何識別危機信號並成功自救！
TOP 8 -
BNO移民英國恐迎重大變局 英保守黨倡「5＋1」增至「10＋5」 移英港人︰怕多付十多萬NHS
TOP 9 -
「幫人摺衣服」成高薪副業？馬來西亞婦女單週賺1,300港元
TOP 10
-
加拿大港人「救生艇計劃」開放式工簽2.7截止申請 不再延長
TOP 11 -
內地年輕人潮興買迪士尼年卡自習 「最快樂地方做最痛苦的事」
TOP 12 -
DeepSeek百萬年薪「招兵買馬」 入職要求大揭秘
TOP 13 -
研究揭院舍保健員與護士職能高度重疊 護士僅3項「獨家秘技」
TOP 14 -
外勞小巴司機駕駛考試重考次數高達727次 合格率僅42％
TOP 15
