近日樓市交投有回暖跡象，有網民稱發現近月多了投身職場不久的九十後置業，議論到底是靠自己實力，還是父母幫一把的人為多。
連登討論區有網民發文，指發現近日好多後生仔上車，「講緊係果堆有穩定偏高收入嘅九十後，E.g. 老師、醫護、主任級公務員等等，儲咗/問屋企借四五六十萬，就急急腳搵啲唔洗大執嘅樓九按上車，到底呢個決定係好定壞，想知大家身邊多唔多人呢排上車？」另外有網民發文說，「成日睇啲90後買樓故事，基本上唔係父幹就母幹，究竟有冇90後買樓係靠自己」。
近月多了投身職場不久的九十後置業。
有過來人分享經驗，「我同我老公90後，真係完全無靠父幹，因為大家屋企都窮。老公早我幾年做野，份人好慳，我就做咗4年。今年年頭買咗樓，我哋用曬身家比例係佢8我2，我哋係俾一成首期，5xx嘅樓，每一個月供2萬，一人一萬。雖然我哋唔係買咩豪華樓，但我哋真係憑自己努力打工儲返嚟，以自己為榮」。
另外也有人透露，「我同男朋友都係做醫療，唔係醫生，做咗5年野大家都各儲到100萬。冇父母幹，啱啱上咗車9按7球幾樓。勝在我同男朋友共同目標就係有個安樂蝸」。
女網民分享，「平時出街都冇咩洗費，冇話特登去慳錢捱面包」
這位女網民分享，「平時出街都冇咩洗費，冇話特登去慳錢捱面包，睇戲多數去寶石，大日子就食下放題，禮物全部Diy，當中大家都有比錢讀過master，同旅行一年三至四次。我每個月最大支出就係比8000家用，平時牛記笠記，所以手袋靚衫化妝保養品從來都冇買過。男朋友就唔洗比家用，最大支出就係停車場同保險費，重點係 返工帶飯真係慳好多錢」。
有網民分享，「認真識唔少，好幾個都係護士，有啲入銀行做好多花紅，父母幹就一定有，都有啲抽居屋上到，其實抽到居屋上都係十幾廿萬，正正常常儲錢三十歲鬆啲一定上到啦。家庭壓力都要細囉，屋企人有咩長期病患，或者一早仙去自己要獨立，一定起步比人慢。不過講到尾，人比人比死人。」
有人留言提出，「唔靠父母幹，就要兩個肯一齊存，加借足9成先上到車，當兩個每人搵3萬至4萬，每人存1.5萬，一個月3萬，一年就36萬，獎金、花紅去完旅行就存晒去，存完就一年40萬咗右，大約3至4年存到150萬左右。800萬樓用『林鄭plan 』都可以輕鬆上車，之後都要月供兩萬幾」。
資料來源：星島日報
好工推介
職場熱話
- 1
- 2
-
國泰香港員工平均加薪3.8％ 預料三跑啟用發展更好
TOP 1 -
私人工程大減 龍頭工程顧問公司低調炒人
TOP 2 -
輸入技術人才 勞福局：明年交代詳情 會規定取永居權前任職相關缺人工種
TOP 3 -
深圳科企掟百萬鼓勵拍拖 員工脫單3個月賞¥1000
TOP 4 -
2028年人力缺18萬 65歲及以上人口佔近三成 熟練技術人員少逾6萬
TOP 5
-
香港擺脫人才流失 金融業持牌人士近4.2萬名創歷史新高
TOP 6 -
投身註冊護士 開創事業新跑道
TOP 7 -
「雙11」吹淡風湊單退貨成熱話 購物意願顯著降低未公開整體銷售數據
TOP 8 -
香港在數碼競爭力排名上升3位 至全球第7位
TOP 9 -
天文台10時20分改發3號波 網民湧天文台FB留言掀罵戰：何必為難上班族？
TOP 10
