介紹朋友到公司工作不是一件簡單事，有不少「眉角」需要留神。一名網民於討論區發文指，早前介紹一名朋友到自己的公司工作，沒料對方3個月後竟收到新offer而離職，留下該名網民面對上司的冷嘲熱諷，令他大感不滿。
該名網民於「連登討論區」發文指，因朋友年初失業，故介紹對方到自己公司工作，沒料他只做了3個月即收到新公司的聘請，便立即遞信辭職。樓主透露，老闆覺得公司花費許多人力及資源栽培，對方卻在短時間內離職，因而大感不滿，更質問樓主，「你朋友做3個月又唔做，咁一開始點解要應徵呢？」，令樓主十分尷尬，「唔知點答」。
樓主坦言，事後當面向朋友追究此事，「正常都最少返一年先走㗎啦，邊有得做幾個月又走」，更指「我一手帶佢入嚟做，佢而家搵到好位拍拍囉柚就走」，直斥對方沒有考慮其感受，惟最後竟被朋友「窒返轉頭」，令樓主忿忿不平，故向網民詢問，「大家評下理，究竟我啱定佢啱」。
帖文引起網民熱論，有網民建議樓主毋須過於介懷，「真係朋友係應該為佢搵到好工而開心」、「人地有好路數，都怪人地要走」；亦有網民認為朋友的做法無任何不妥，「試用期一向都係畀公司理解個員工，亦畀員工了解間公司，唔啱做走有咩問題」、「唔啱做咪走，有咩問題？」。
資料來源：連登討論區、星島日報
Email: advertising@jobmarket.com.hk
Email: enquiry@jobmarket.com.hk
