有新入職政府網民在「公務員secrets」社交專頁撰文，抱怨被迫跟住同一區的男同事同車寒暄，情況頻密到是出雙入對，甚至被對方邀約工餘時間外出，結果在辦公室惹出是非來，令他不勝其煩向網民求助。
發文者透露，幾個月前新加入政府，自從一名上級男同事知道他居住同一區之後，他經常返工都會係港鐵站遇見對方，原本對方是遲6至7分鐘才回到辦公室，「佢會係後面叫住我，然後我就被迫同佢吹住水搭車直到返公司為止，過程大約一個鐘。」
發文者坦言，「其實我唔太想用私人時間同同事social，尤其我同佢根本不算熟，年紀又不相近，冇咩好傾，而且我搭車鍾意打機同聽歌，所以試過幾次之後我諗住扮聽唔到佢叫我，但佢會行上前拍我膊頭講早晨，所以我本身打緊機都要即刻除低耳機同佢傾計。」
而對方放工走時又會叫住發文者一齊走，持續一段日子之後，發文者已經有少許不悅，於是故意收拾或者去洗手間，打算拖延時間。豈料對方又跟他一樣遲走，「我走佢又跟住走，問佢做咩咁遲走既？佢話佢咁岩約咗人交收要遲啲啲。」
發文者抱怨，明明只是普通同事，但經常一起搭車返工放工，佢又成日走埋黎我個位同我吹水，又會約我出街，我都已經婉拒咗。而家其他同事已經開始拎我哋黎講笑，話我哋一齊咗」。
發文者稱，男同事畀他年長，任職大約7至8年，工作上算是一個幾好的同事，所以不知如何處理，他大感苦惱，「入得政府做都只係想準時返工收工，自己做自己嘢咁，唔係好想social。尤其係返放工時間，真係想靜靜哋。我應該點樣表達畀佢知呢？」。
有網民戲稱，「你可以唔愛佢，但唔可以唔畀佢愛你，除非佢有過份行為/要求！」；有網民就提議，「你試下朝早，早多半個鐘出門。夜晚放工話約咗朋友，逆向搭一個站，先再返屋企。無幾耐佢就唔會再搵你。」，有人更大膽建議「話自己約咗男朋友啦」
資料來源：公務員secrets、星島日報
Email: advertising@jobmarket.com.hk
Email: enquiry@jobmarket.com.hk
