有在政府公共圖書館上班的網民在「公務員secrets」社交專頁撰文，指與幾名舊同學聚餐時，女同學的丈夫不斷吹噓他月入3萬元，又嘲諷在圖書館工作無前途。不過當發文者透露月入3.1萬元而且有層居屋時，對方頓時知難而退尷尬離場。
發文者指，近日恢復晚市堂食後，他和舊中學同學於是就聚餐，其中一名女同學並偕同丈夫出席，大家見面時話題離不開疫情、工作、生意等等。「咁佢（同學）老公就都係講吓佢老闆好賞識佢啊，啱啱升咗佢做經理，又話老闆叫佢遲啲通返關嘅時候，就幫手開拓海外嘅業務。」。
發文者與另一個同學都是聽他在吹噓，對方問起發文者的工作，發文者於是「咪話係屋企樓下間圖書館返工(公屋地下啲細館)幫人借下書還下書咁。」；「點知佢老公聽完我做圖書館之後，就上晒電，係咁講你做圖書館？圖書館唔係都係得啲師奶、呀伯、學生哥做㗎咩？份人工夠唔夠使㗎？你老婆咪要出嚟做嘢幫補家計？」。
對方越講越興起，「就開始再講話佢岩岩由助理經理升咗做經理，雖然做咗十幾年，老闆仲加咗4000$人工比佢，有成30000$。仲叫佢畀心機呀，快啲儲多啲錢買樓。」
發文者忍無可忍，於是就反擊：「我做圖書館有31,750蚊」原來發文者在22歲就開始任職政府助理文書主任，至今已12年。然後場面死寂十幾廿秒，在尷尬時候，另一個女同學不知是否想打圓場，於是說：「你層綠表居屋賣咗未呀？呢排好好價喎！你就好啦，公司有福利八九年就有綠表買樓。」豈料她講之後眾人再次沉默。
女同學的丈夫不知是否知難而退，說有急事走先，還將他妻子帶走，結果整晚只得發文者與女同學食完剩下的四人餐及清空紅酒，最後食了3000元，由他來付款。
資料來源：公務員secrets、星島日報
Email: advertising@jobmarket.com.hk
Email: enquiry@jobmarket.com.hk
