近年經濟環境欠佳，不少打工仔跳槽後發現新工作未如理想，開始考慮「食回頭草」，即重返舊公司。不過，返舊公司未必一定係好選擇，可能面對人事關係變化、職涯發展停滯等問題，甚至會影響職場形象。要決定是否「食回頭草」，返去之前一定要先諗清楚以下三件事。
1.當初離職的原因是否已經解決？
有些人當初選擇離職，可能是因為薪酬低、晉升無望、與同事或上司關係不佳，甚至單純覺得新公司會有更好發展。如果這些問題仍然存在，返去後極可能再次面對一樣的困難，到時候又要再考慮離職，變成惡性循環。特別是當初若與舊同事鬧得不愉快，返去後會否影響工作氣氛？如果不能處理好這些問題，「食回頭草」只會讓自己更辛苦。
2.返去之後，人事關係會否變得尷尬？
返舊公司後，最大的不確定因素往往係人事變化。如果過去的同事已經升職變成你的上司，你能否適應這種轉變？又或者，當你升上管理層，過去的夥伴變成你的下屬，會否因此影響工作關係？有些人擔心舊同事對自己不服氣，導致工作難以推進。但其實，即使是內部升職，都有機會遇到這種情況，關鍵在於能否保持專業態度，迅速適應新角色。如果你夠實力，這些問題未必會成為阻礙。
3.舊公司提供的條件是否值得？
有時候，打工仔想返去，只是因為現時的工作不如預期。但如果舊公司開出的條件與當初一樣，甚至比之前更差，咁返去又有乜意義？除非老闆願意提供更高職位、更好薪酬，或者新的學習與發展機會，否則只會讓人覺得你「外面混唔掂」，回去後亦未必會被重用。如果舊公司能夠提供明顯的職業發展機會，咁「食回頭草」才有價值，否則只會變成職涯倒退。
想「食回頭草」成功？呢幾點要注意！
雖然不少企業願意接受舊員工返工，但並非「無條件錄用」，要成功返去，打工仔要做好準備。
1.主動聯絡前主管，提升機會
好多打工仔以為「食回頭草」好難，但其實第一步就係主動聯絡前主管，表達自己有意返去。如果當初工作表現不錯，主管通常願意推薦，甚至可能幫手安排合適職位，減少競爭壓力。
2.離職時保持好關係，方便日後回流
即使當初離職時無同主管保持聯繫，只要離職紀錄良好，HR仍然可能考慮錄用。公司一般會查看舊員工的離職記錄，包括工作表現、離職原因等。因此，打工仔在職時應該保持良好職場關係，避免與公司交惡，以免影響未來「食回頭草」的機會。
3.面試時，解釋清楚當初離職原因
如果成功獲得面試機會，HR一定會問：「你當初點解要離開？」如果原因仍然存在，例如工時過長、辦公地點不便，公司可能會質疑你是否適合返來。因此，在面試前應該準備好合適的回應，展現誠意，令公司相信這次返來係經過深思熟慮，而唔係一時衝動。
4.突顯自己比新人更有優勢
「食回頭草」的時候，往往要與外來新人競爭，因此必須突顯自己對公司內部運作的熟悉程度，強調自己可以快速上手，無需重新適應。對企業來講，培訓新人需要時間與成本，如果你能夠說服公司自己比新人更快進入狀態，錄用機會自然會增加。
「食回頭草」不是冇面子，而是一種職場策略
有些打工仔覺得「食回頭草」好似代表自己「唔掂」，但其實這只是一種職場選擇。如果能夠確保返去之後有更好發展，而唔係單純回到原來的困境，那麼「食回頭草」仍然可以成為事業的轉捩點。
好工推介
職場熱話
- 1
- 2
-
內卷白熱化 國企招聘1,730空缺 竟收120萬份簡歷
TOP 1 -
所謂整頓職場其實得啖笑？網民：最終都係搏命嗰班贏晒
TOP 2 -
對ChatGPT說「請、謝謝」 竟燒掉數千萬美元
TOP 3 -
日本接近半數年輕打工仔有好孩子症候群 咩都話冇問題 但最後會辭職
TOP 4 -
獨樂樂一啲都唔怪 日本研究：九成打工仔喜歡獨處 無職場朋友並唔孤單
TOP 5
-
AI成職場必要技能 Shopify：招聘新員工前確定AI能否取代
TOP 6 -
遞信先至識挽留？網民：「辭職如分手，一去冇回頭」
TOP 7 -
同事霸道又情緒化 港女每日返工如入地獄：已經踩我底線好多次
TOP 8 -
唔計畢業證書 學校知識對返工有咩幫助？
TOP 9 -
Chiikawa店員親爆大戰黃牛黨內幕 揭黃牛提早大舉入侵原因：連主辦都措手不及
TOP 10
-
扮忙係為咗反抗公司政策？GenZ興起Taskmasking
TOP 11 -
香港樹仁大學 逆境及創傷心理學社會科學碩士
TOP 12 -
裝飾及維修工程需求日增 求才若渴 入行好時機
TOP 13 -
廣州「以舊換新」補貼最高¥2萬 香港零售業將雪上加霜？
TOP 14 -
盤點最癲Micromanagement上司行為 「連用電腦快捷鍵都唔俾」
TOP 15
-
政府統計處招聘全職兼職訪問員 全職月薪$20,770 兼職時薪$123
TOP 16 -
呢個時勢有份伏工返下應該感恩？網民：「捱到有情緒病有排搞」
TOP 17 -
恆指歷史性大跌3021點 盤點歷年股災對就業市場有咩影響
TOP 18 -
56歲台男屢次申請職位遭拒 控告星宇航空年齡歧視 公司最終被判罰 7.3萬港元
TOP 19 -
兩年內你也可成為一位遊戲治療師？
TOP 20
