今天是2022年最後一日，除夕倒數迎接2023年本來充滿盼望，但有網民日前便開始蘊釀不安情緒，在facebook討論區發帖問「倒數唔可以留係屋企倒咩？」。
樓主解釋自己是「一個唔太鍾意出街嘅人，女朋友就覺得大時大節應該要出街感受下節日氣氛。聖誕節放4日假出咗3日街我已經好攰，倒數女朋友話都要出去倒數，仲要去尖沙嘴海旁，又凍又多人」。樓主坦言「講真我就唔係好想去，我唔明點解倒數一定要同啲陌生人一齊企係條街度倒數。食完飯行一陣返屋企倒數唔好咩？出街又多人又逼，電話又收得唔好」。
在回應網友振夫綱的提問時「你做乜聽曬佢話，你揸唔到主意？」樓主指，「一話唔想出去同人逼又發晒脾氣」。面對如此情況，網民都化身感情專家勸分手，指「認真答，分手，時間拖越長結果都係分」、「唔多鍾意出街？除非你條女都係同你一樣，如果唔係好難長久」。
另有人分析指「女人對於節日嘅嘢係寧捨敏感d」、「儀式感呀，你識咩呀」、「你宅男，唔識浪漫」，並提醒「小心最後一個人倒數」。有單身的網友則羡慕地指「我都想有女陪我倒數」。
說回正題，支持外出湊熱鬧倒數的網民指「我十零歲，廿歲頭拍拖時都鍾意出街倒數好開心好happy喎。大叫，飲酒，好興奮！ 到人大咗啦結埋婚生埋仔就冇咗呢份熱情了」，鼓勵樓主「珍惜年青浪漫熱血的日子吧」、「多人先有氣氛㗎，電話收得唔好你咪同女朋友傾吓計囉」。
回應的其他網友則大都將倒數一事看得很淡，指「年年未夠12點我就瞓咗，起身已經係第二年」、「講真，你唔倒數個日子一樣會過，唔使執著」、「唔倒數過唔到年？」、「卅歲前會出街倒數，卅歲後未試過」、「又凍又要出去迫驚死唔中招咁，喺屋企開住零食睇電視又得上網又得煲劇又得睇Netflix又得」，甚至說出人生哲理「我從出生就開始了我嘅人生嘅倒數，而且每日都繼續」。
資料來源：連登討論區、星島日報
Email: advertising@jobmarket.com.hk
Email: enquiry@jobmarket.com.hk
