為公司OT是責任？有上司日前在網上發文，提到部門近日人手不足因此需要加班，並指與一名「20出頭」的下屬商討，「我打算shift 返多啲duty 過去」，對方竟要求加薪40%，令樓主直言「其實點解啲年青人可以咁厚面皮？價值觀錯晒，公司唔夠人手仲要坐地起價趁火打劫」。
該名上司日前向facebook專頁「奴工處」發文，直言現時不懂得與年輕人溝通，並指「可能我已脫節，或者我唔明點解時下年青人啲價值觀可以錯晒」。樓主提到其中一名「20出頭」的下屬「做嘢好叻仔又有交帶」，自己一直看好對方，並計劃在下年讓對方升職。直到公司近日有多名同事離職，部門因此人手不足，近日亦需要加班至晚上8時許才可下班。
樓主隨後與該名下屬商討，「我打算shift 返多啲duty 過去，叫佢拍硬檔幫手頂埋過年，因為仲未請到人」。誰料，對方竟要求加薪40%，「因為佢話做多咗嘢叫我補償，仲要拎埋辭職信出嚟，講到明加唔到就會辭職，辭職後一個月都唔會再幫手OT」。樓主對於其言論感到不解，並指「其實點解啲年青人可以咁厚面皮？價值觀錯晒，公司唔夠人手仲要坐地起價趁火打劫」。
相關帖文隨即引起熱議，不少網民批評樓主的行為，並直言「我反而唔明投稿人嘅價值觀」、「我唔明個後生點解唔直接辭職」、「我唔係年輕人，都40歲，我都覺得其實係你啲價值觀錯晒。出一份糧要做2、3份糧嘅嘢你覺得冇問題咩？你話頂埋過年姐，點知過埋年會唔會又話頂埋清明重陽」等。大部分網民亦認為下屬的要求沒有問題，並指「如果工作量多40%，要求加40%人工好合理吖」、「同公司有親咩…你叫佢拍硬檔個時，咁佢做到隻狗咁又邊個拍硬檔幫佢」、「餐廳食多碟野都要畀錢啦」、「佢又真係無錯，OT唔一定有補水，人地嚟番工賺錢，唔係為咗賣命」等。
資料來源：奴工處、星島日報
好工推介
職場熱話
- 1
- 2
-
十號風球下快餐店成戰場 經理情緒失控 員工連踩11小時近崩潰
TOP 1 -
職場新詞「安靜崩裂」 即使努力工作 內心卻早已疲憊不堪
TOP 2 -
Netflix首用生成式AI製作影集 製作速度快10倍 有效降特效成本
TOP 3 -
全球裁員潮 員工最容易有職場倖存者症候群 六成人感到過勞 七成人工作動力明顯下降
TOP 4 -
銀聯：Z世代收入增加比例最明顯 39％消費者削非必要支出
TOP 5
-
日本興起出租阿嫲 唔只做家務湊細路 仲可以陪談判分手
TOP 6 -
公共圖書館變「扮工」聚腳地？失業港人每日必到＋做3件事
TOP 7 -
87％港畢業生對前景充滿信心 最愛金融及STEM行業 憂AI帶來顛覆
TOP 8 -
KAM爆新仔突問女上司「點解條件咁好都未結婚」 對方一招KO！
TOP 9 -
電話鬧鐘唔識響？係手機Bug作怪！網民總結８大方法自救
TOP 10
