情到濃時容易犯差錯，有女網民發文聲稱，未婚懷孕後才發現男友原來已經失業7年，並一直依靠政府綜援維生，令她晴天霹靂不知所措，帖文引來一眾網民熱議。
發文者於facebook專頁「奴工處」投稿，稱跟男友在專上院校認識，之後開始拍拖，原本以為關係好穩定，還認定對方情定終生。最近她發現意外懷孕，本來以為可以修成正果組織美滿家庭，豈料男友得悉後「忽然面都青晒，講野開始變到吞吞吐吐，變到唔似平時嘅佢」。
發文者覺得有不妥，所以不斷追問，但紙始終唔包住火，「佢終於自爆自己其實喺7年前已俾公司炒咗並且失業7年。而佢咁多年都一直同我隱瞞緊佢失業﹐同時亦知道咗佢呢7年間原來係靠攞綜援生活。重要日日去機舖扮返工，佢平時拍拖啲錢應該都係靠綜援得返嚟」。
發文者得悉真相之後頓時晴天霹靂，發覺她太愚蠢，竟然可以被男友欺騙這麽多年，但男友竟然大發脾氣怪罪於女友，最後分手收場。她大感彷徨無助，「諗返轉頭好後悔自己點解會上咗賊船，但同時開始擔心自己同BB以後嘅生活。一方面擔心唔知點同公司交代，第二得自己一個亦好唔知點照顧BB，第三單親家庭成長好驚會影響BB成長，但又唔想墮胎，壓力大到爆唔知點好！我已經覺得自己撐唔到落去！」。
有網民稱，「7年都唔搵工，呢個男人好有問題，再諗係咪自己蠢、定鬼掩眼都係無用，返唔到轉頭，咁講啦！早啲睇清楚都好嘅。將來條路唔易走，亦會有好多人話難再搵到老公，呢啲就唔好想太多啦！BB都有了，又唔會考慮唔要，就好好安頓自己，照顧好自己，安排一下第日點照顧小朋友，公司果度唔會交代唔到，佢地唔可以歧視未婚媽媽、單親家庭，無野係解決唔到，為咗BB勇敢啲」
有人指出，「綜援其實都唔係問題，問題係佢嘅心態，一直都冇諗過搵工、「其實會唔會個男人唔想負責任 所以先呃佢話拎綜緩丫」，也有人認為「先處理咗自己先啦，處理唔到嘅，唔好生呀，累埋下一代」；不過也有人質疑事件的真確性。
資料來源：奴工處、星島日報
好工推介
職場熱話
- 1
- 2
-
郵政署招聘會計主管 月薪$18,916 申請人須具備咩條件？
TOP 1 -
中大調查：七成市民認為香港貧富懸殊嚴重 約一成表示入不敷支
TOP 2 -
研究：社會氛圍複雜多變 四分之一對職涯持負面看法 49％人對未來財政狀況感不安
TOP 3 -
碩士畢業37歲打工仔 失業5個月 12年工作生涯冇份工做得長 大呻：學歷呢個包袱太重
TOP 4 -
40歲打工仔MPF資產中位數66萬元 BCT籲善用自願性供款
TOP 5
-
一大早交report 老細睇一眼就話啲數錯 事後原封不動再交又話啱 網友：樓主錯在呢樣嘢！
TOP 6 -
調查指24％專業人士正考慮退休移居外地 近半數選擇大灣區 33％選擇英澳加
TOP 7 -
內地年輕人興起做全職「全職乖孫」 唔揾工 喺屋企照顧長輩起居飲食
TOP 8 -
黃傑龍明言餐飲迎淘汰期 北上消費潮非唯一原因 籲業界極力轉型
TOP 9 -
大班結業拖欠近1,000萬元遣散費與薪金 公司結業遣散費應如何計算？
TOP 10
