每逢農曆新年，不論公屋、居屋、私人屋苑、商場保安零舍醒神，向住戶講「恭喜發財」、更幫手開門、打招呼等，不少住户亦「識做」向保安派利是。不過，近日有不少屋苑和屋邨張貼告示，禁止保安接收或索取利是，房署及房協回覆《星島頭條》網更表明，保安、清潔工等均不得以任何形式索取或接受利是，房署更指「倘護衞員疑收利是，可要求撤換並轉介執法部門」。
「香港地人情味已淡薄 再咁搞春節氣氛好快無埋」
不過，有網民在社交網站Threads發文，認為「俾利是呢啲係討個意頭、大家高興嘅民間習俗」，質疑為何要與《防止賄賂條例》拉上關係，嘆稱今時今日香港地、人情味已經很淡薄，「（保安）唔笑又話無服務、笑又話我貪你封利是」，現時政府甚至明文規定「唔收得」，坦言「搞啲咁嘅嘢、相信僅餘嘅春節氣氛好快都會無埋」。
「平時有事搵佢就扮無知 一到過年就獻殷勤」
不過，亦有網民表示，樓下保安平時「有事搵佢就扮無知」，指打電話投訴時永遠都說「幫唔到」；但一到過年就不停獻殷勤、戲謔「長期望實個Cam、人都未落到嚟就問定大堂個門、笑到四萬咁口」。
「點解過年大堂一定有兩三個管理員？」
也有網民指平時樓下明明僅一個管理員，「點解過年大堂一定有兩三個？」；又有指當保安發現住戶無經濟能力派利是時，「由開緊門變即刻鬆手」、「坐喺度就由精神mode變成瞓覺mode」。
「點解保安結咗婚、唔派利是畀未結婚住戶？」
有網民更笑言「我一直都唔明、點解保安結咗婚、唔派利是畀啲未結婚嘅住戶？」。更有網民指樓下保安很瘋狂，自己清晨5時許出門上班，「個保安一聽到𨋢聲就大嗌『新年快樂！』」，但同𨋢的女士卻反應道『唔畀啊！』」。
陸偉雄：不能一刀切看待 若住户自發派無問題
對於保安收取利是有否違反《防止賄賂條例》，大律師陸偉雄日前表示，收取利是有否犯法不能用一刀切看待，需視乎給予利是的目的、金額等因素。他舉例，若進出屋苑時，保安向住客說「恭喜發財」，然後住戶給予保安利是，不認為這行為有違法。相反，若保安貿然主動向住戶索取利是，這便有問題。
資料來源：星島頭條
Email: advertising@jobmarket.com.hk
Email: enquiry@jobmarket.com.hk
