有網民日前以「同事last day竟然唔派散水餅」為題發牢騷，回應的網民卻普遍反對派散水餅，反而有不少人的想法是「散水餅真係無謂，熟的食餐飯就算」；另有向前看的網民認為「辭職大多是因為對公司待遇或同事不滿才離開，與其派散水餅，不如返新工派餅好過」。
樓主指「公司有位同事last day，係公司都做咗差唔多一年啦，唔知係唔係因為佢00後，唔識啲人情世故，佢竟然last day都唔派散水餅畀其他同事，雖然同佢都唔係好熟，平時講嘢都有啲代溝咁，但平時工作上都照顧佢唔少啦。之後上司問佢點解唔派散水餅，佢話因為佢唔記得咗買，真係last day都一啲都唔上心，雖然以後都唔會再見到，但呢啲點都要做足先得㗎！」。
回應的網民口徑普遍統一，大多持反對派散水餅態度：
●老馮要派水餅㗎咩？唔派犯法㗎？
●我從來都唔派，覺得很無謂。公司裏一定有令人討厭的同事（一定唔派），既然係咁便直頭唔派算了。
●離職一定要派散水餅的嗎！當年我裸辭都冇派，因為極度唔開心走，亦都冇心情派！
●檢討下點解唔派畀你哋啦，而且合約寫要做㗎咩？
●做到唔開心就唔會派。
●唔派散水餅就有問題？
●咁人哋辭職走，咁有無人請佢食farewell飯？
●人哋都唔想買呢，亦無義務買。
●我又唔覺得散水餅有幾重要。
●要轉工通常都係做得唔開心，仲邊會派散水餅呀 !
另有人分析利害指，「人哋唔做唔係應該你哋請佢食飯送行先啱咩？散水餅？睇下做邊行囉，需要人際關係嘅工咪買囉，唔需要嘅買嚟做乜？唔使錢呀？」
另有打工仔引述自我經驗稱，「我今日last day都沒派。同樣地，他們也沒有farewell lunch。我一早已經同佢地講唔要大搞。大家都係打份工。打工係為錢。何必為了形式而大費金錢？」
網民撐與相熟同事食飯歡送
說著，不少網民反而支持相熟同事食飯歡送的做法。有人指，「老老實實，雖然我做的都係細公司，同所有同事關係都算唔錯，但都唔係個個同事走都會派散水餅，可能佢會叫幾個比較相熟的同事一齊出去食午飯就算，然後最後一天，同大家講bye bye」；「散水餅真係無謂，熟的食餐飯就算」、「last day就一定要派散水餅嘅咩，我公司有同事在last day 都唔會派散水餅，只是會私底下同最熟的同事食飯farewell」。
另有網民指，「睇公司文化同做咗幾耐，如果同事有同你食餐飯都會派嘅」、「辭職大多是因為對公司待遇或同事不滿才離開，與其派散水餅，不如返新工派餅好過」。更有人講威水史，稱「我係上兩次last day無派餅，反而老闆請我食飯」。
帖文來源：香港討論區、星島日報
好工推介
職場熱話
- 1
- 2
-
【職場兩極人生】裸辭同事一句心聲觸發反思 躺平vs內卷：努力就一定成功？
TOP 1 -
平機會研究：年假不足難兼顧家庭 4％僱主曾勸諭員工辭職
TOP 2 -
新工閃現 發掘你的職場新機遇
TOP 3 -
調查：香港打工仔若50歲儲夠200萬即計劃微退休 展開為期逾一年休假
TOP 4 -
微軟盤點10個最易被AI取代職業 空姐居然上榜？
TOP 5
-
35＋打工人的避風港 長沙95後創辦「三五而栗」餐廳爆紅 專聘中年人反擊職場歧視
TOP 6 -
港大畢業生全員就業 平均月薪3.34萬創紀錄 最多人投身工商界
TOP 7 -
【職場心理｜情緒管理】做錯嘢成日自責？6個方法減少內耗、擺脫負面情緒、建立職場平常心
TOP 8 -
【政府工速遞】房屋署招聘一級工人｜公務員職位 月薪可達$19,755、學歷要求低、福利穩定
TOP 9 -
【AI職場危機】美國專家狠批傳統教育無法滿足職場需求 學生一畢業即被AI淘汰
TOP 10
-
八大畢業生平均年薪達32.9萬 按年增約4.8％ 醫科牙科護理界最高達54萬
TOP 11 -
拖延症同事交唔切貨 迫住同佢一齊OT 打工仔嬲爆：「憑咩要等你？」
TOP 12 -
GenZ初入職場 美國企業及大學聘請禮儀專家教職場規矩
TOP 13 -
黑雨期間未能上班 突接上司炒魷訊息 算唔算無理解僱？
TOP 14 -
科大畢業生平均月薪27567元 按年升3％ 投身商界人工最高
TOP 15
-
打工仔表示日日搭一個鐘頭車返工真係好辛苦 研究：通勤時間過長 抑鬱風險高1.6倍
TOP 16 -
30歲港男月入五萬壓力爆煲 供樓養兩孩 最驚病倒全家冇著落
TOP 17 -
25歲唔想行冤枉路？網民真心分享5個人生建議
TOP 18 -
打工仔以為同上司相處融洽 遞信後對方態度轉變 「唔知係關心定係不滿」
TOP 19 -
假性上班效率低 健康危害大 帶來嘅損失仲多過請病假
TOP 20
