職趣事
Home>職趣事>打工仔分享職場「黑歷史」 返工醉酒、開會對罵樣樣齊 最後悔被辭退
打工仔分享職場「黑歷史」 返工醉酒、開會對罵樣樣齊 最後悔被辭退
07 Mar 2025

 

不少打工仔喺職場上都試過犯錯,但有啲錯誤可能影響深遠,甚至影響成個事業發展。近日,一名網民喺Threads發文,坦白自己曾經喺一間夢寐以求嘅公司打工,但因為各種離譜行為,最後俾公司勸退。他詳細數晒自己嘅「黑歷史」,包括遲到、hea做、開會失言,甚至醉酒返工,令網民熱烈討論。

 

 

職場災難逐一回顧 工作態度完全「當自己老細」

 

佢話,當初入咗一間好多fresh grad都想入嘅夢幻公司,但入去之後完全冇當回事,態度鬆散,搞到最後自己都玩完。佢承認,明明公司規定九點返工,但佢幾乎日日都十點先出現,從來唔守時間。疫情之後,公司開始要求員工返辦公室,但佢竟然自作主張,覺得自己可以WFH,老細明明開口叫佢返,都當聽唔到。

 

除咗時間觀念差,佢對份工本身都唔上心,日日返工唔係玩手機就係走入電話間睇YouTube,基本上「半個鐘做嘢,三個鐘hea」。學過嘅嘢從來唔記,搞到每次要做返同一樣工作都要由零開始問過,成個學習能力接近零。佢又唔識同同事搞好關係,成日自己一個人,唔主動交流,完全冇融入公司文化。

 

最爆笑嘅係,佢有一次開Zoom會議時忘記咗關咪,喺會議入面直接講咗句「好悶呀」,結果全公司都聽到,場面極度尷尬。而佢每日出嘅Email少得可憐,根本冇任何貢獻,生產力低到誇張。

 

午飯時間,佢仲試過食足兩個幾鐘,甚至試過飲酒之後滿面通紅咁返公司。更誇張嘅係,佢有次同內地客戶開會時因為討論上有分歧,結果越講越火爆,直接同對方對罵,搞到公司形象受損。而公司明明有Dress Code,佢依然我行我素,完全唔理著裝規定,隨心所欲。

 

 

被公司勸退後 痛改前非變高效員工

 

一系列「hea爆」行為,最後導致佢喺公司捱足一年後被「Counsel Out」(即被勸退)。佢話,當時真係後悔到不得了,甚至希望有機會重新嚟過。好彩佢履歷上仲有呢間公司個名,最終成功搵到另一間同樣知名嘅企業,於是決心重新做人。

 

入新公司之後,佢態度大變,開始準時返工,專心學習,將每樣學到嘅嘢記低,唔再犯同樣錯誤。佢主動同同事建立關係,做事變得更有責任感,每日都認真完成工作,確保自己成為高效員工。佢話,而家公司同事對佢嘅評價係「可靠又高效」,完全唔同以前嗰個「hea王」。而家每次見到啲新入職嘅後生仔,佢都會諗起自己當年有幾離譜,真係感觸良多。

 

網民熱議:公司真係好仁慈

 

呢篇帖文出街之後,網民紛紛熱烈討論,有人留言話:「你老細咁都無封殺你?Reference Check嗰陣時冇黑你,公司仲要忍你一年先勸退,真係好仁慈!」。

 

另一個網民就分析:「最大問題係學唔識經驗、飲醉酒返工、同客對罵,呢啲都係職場大忌!啱啱畢業嘅新人一定要學識適應公司文化,知道點樣同持份者合作。」,仲有人笑話:「呢間公司真係好慘,請咗你一年先炒,真係超級有耐性!」,更有網民直接話:「完全係薪水小偷!」。

 

呢次經歷提醒咗所有打工仔,返工唔係玩嘢,職場態度同表現先係決定你事業發展嘅關鍵。如果想企穩陣腳,唔單止要提升專業能力,最基本嘅工作態度同責任感都要有,否則只會害人害己。

好工推介

  • 1
  • 2
  • 3
  • 4
Shopify 開發工程師 Marvelous Gems Mty. Ltd. 04 Jul 2025
SALES & MARKETING MANAGER (銷售及市場經理) Marvelous Gems Mty. Ltd. 04 Jul 2025
Property Manager (TSB Property Management Limited) Tai Sang Bank Limited 大生銀行有限公司 30 Jun 2025
理財策劃經理( 津貼$25K-$48K ) AXA China Region Insurance Company Limited 24 Jun 2025
Shipping Clerk Wella Knitting Factory Limited 20 Jun 2025
System Analyst (Java, MySQL, over $50K) CL Technical Services Limited 05 Jul 2025
保安員 (12小時、月薪可達$20,000) Protech Property Management Ltd 保得物業管理有限公司 05 Jul 2025
技工 (中區) Protech Property Management Ltd 保得物業管理有限公司 05 Jul 2025
會計文員 (灣仔) Protech Property Management Ltd 保得物業管理有限公司 05 Jul 2025
助理物業主任 (中區) Protech Property Management Ltd 保得物業管理有限公司 05 Jul 2025
客戶服務助理 (10小時) Protech Property Management Ltd 保得物業管理有限公司 05 Jul 2025
會所助理 Sino Property Services 信和管業優勢 05 Jul 2025
大廈管理員/高級大廈管理員 Sino Property Services 信和管業優勢 05 Jul 2025
技術員/高級技術員 Sino Property Services 信和管業優勢 05 Jul 2025
停車場管理員 / 停車場助理大廈主管 / 停車場大廈主管 Sino Property Services 信和管業優勢 05 Jul 2025
停車場泊車員(12小時) - 葵涌/荃灣/長沙灣/尖沙咀 Wilson Parking 05 Jul 2025
停車場監督(8小時) - 西區副食品批發市場 Wilson Parking 05 Jul 2025
停車場監督/停車場主任(9小時-1小時用膳時間) - 赤鱲角機場 Wilson Parking 05 Jul 2025
助理保安督察 (10小時) Protech Property Management Ltd 保得物業管理有限公司 05 Jul 2025
客戶服務大使/高級客戶服務大使 Sino Property Services 信和管業優勢 05 Jul 2025

好工搜尋

職場熱話

  • 1
  • 2
  • 3
  • 4