不少航空公司為了配合各乘客的需要，亦會提供特別餐。一名任職空中服務員的網民在網上發文，分享自己遇到一名「想直接一腳伸佢落機嘅港女」的經歷，並指在日本返港的航班上，一名預訂了海鮮餐的女乘客，因不滿只獲派「白汁煎魚」而投訴，更指「無刺身，最少都要有蝦蟹墨魚，就咁畀嚿魚敷衍我！」
西客之道 Hispitality Secret 截圖
一名任職空中服務員的網民早前在facebook專頁「西客之道 Hispitality Secret」投稿，指早前在一班由日本返港的航班上，一名女乘客預訂了海鮮餐。樓主指，在派餐時為該名女乘客送上餐點為白汁煎魚配蔬菜的海鮮餐。誰料，對方其後隨即按服務鐘，並投訴指「呢個咁都叫海鮮餐？點食？」樓主以為自己不慎派錯餐，但核對並確認無出錯後，隨即解釋指，「今日嘅海鮮餐就係煎魚」。對方聞言後，直斥：「有冇搞錯，日本返香港嘅海鮮餐點都有返啲質素呀嘛？！無刺身，最少都要有蝦蟹墨魚，就咁畀嚿魚敷衍我！你哋航空公司點做嘢？」
樓主指，「我心裏面真係好想問佢有冇帶腦搭飛機？魚唔係海鮮咩？唔通經濟艙嘅海鮮餐會畀龍蝦鮑魚你食啊」，但仍然保持禮貌。該女乘客其後要求轉食正常飛機餐，但由於樓主的上司堅稱機上並無多餘餐點，故未能更換，女乘客最終「死死氣咁食晒成舊魚」。然而，事件卻仍有下文。女乘客其後再投訴指未獲分派雪糕，樓主雖耐心解釋因其海鮮餐已有特定甜品因此未獲分派，但對方仍不滿意，樓主的上司只好再次出面，「一句話冇就冇，幾咁大快人心」。樓主在文末亦直言，不明白為何乘客一踏上飛機即變得麻煩。
西客之道 Hispitality Secret 截圖
不少網民其後紛紛留言，直斥該名女乘客無理，指「想太多……唔通佢以為海鮮餐係海膽三文魚籽雜錦刺身船」、「Econ 價錢 唔通俾頭等餐你食咩」、「想用蔗渣價錢享受燒鵝服務，食懵佢啊？」、「坐個經濟位食澳洲龍蝦好唔好！」等。另外，亦有人笑言，「坐佢左右隔離先慘，忍唔住爆笑出嚟就唔好意思啦！」、「坐飛機普通餐未必好食，但特別餐一定係唔好食」等。
資料來源：星島日報、「西客之道 Hispitality Secret」facebook專頁
好工推介
職場熱話
- 1
- 2
-
AI教父勸大家齊齊做藍領 「AI暫時無法達到人類操作水平，做水管工係唔錯嘅選擇！」
TOP 1 -
HR發帖文指一年Gap Year等於與社會脫節 惹同行抨擊：「證明你令公司錯失人才」
TOP 2 -
香港國際機場職業博覽會2025 大量職位空缺 助您夢想啟航
TOP 3 -
ManpowerGroup報告：第三季本港招聘意欲穩中見保守
TOP 4 -
應對未來職場挑戰？OpenAI推「AI原生大學」 助學生打好AI基礎
TOP 5
-
畢業後為一紙聘書不惜自降身價？HR：只會賠了夫人又折兵
TOP 6 -
見工被HR質疑學歷兼查家宅 仲被揶揄「冇老豆」
TOP 7 -
郵政署招聘客戶服務員 月薪$16,258 DSE 5科2級申請得！
TOP 8 -
AI衝擊加上地緣政治不明朗 應屆畢業生就業前景 可能係40年嚟最差？
TOP 9 -
歐洲初創圈掀起996爭論：賣命式工作文化是否值得仿效？
TOP 10
