俗語有云：好馬不吃回頭草，有已婚港男因為自己已失業接近一年，近日決定重新回到已離開3年的舊公司工作，卻慘遭同事奚落取笑。不過他解釋為了照顧患病的妻子，因此需要一份穩定收入，並指「生存要緊，其他嘢並唔重要」。
該名港男早前向「辦公室日報」投稿，提到妻子在3年前患上脊柱炎，病情嚴重時需坐輪椅，因此自己當時決定離開舊公司並轉工，「因為新工搵得比較多，工作地點亦比較近屋企，我想方便啲照顧我老婆」。殊不知在疫情影響下，他在新公司工作2年便遇上裁員，而且失業已接近1年，「我年紀又唔細，搵咗好耐都搵唔到工」，並指在失業期間雖然有其他散工，但收入並不穩定。
樓主稱，他在走投無路下，只好聯絡舊公司的經理，並指自己當時只是「隨口提一提」，並向對方表示「公司有無位呀？幫手留意下吖，唔該晒」，同時將訊息分別傳送給幾個朋友及舊客戶。他指，幾日後接獲舊公司的經理回覆，指公司剛好有空缺，若他有意回巢就會將職位留給他。
樓主續指，「其實舊公司請返我嘅過程都叫順利」，基本上不需面試或推薦信，只需與新上司見面商討。上司向樓主表示，重新聘請曾離職的員工，「老細一定會問長問短」，因此提出幾個條件，包括希望他承諾在1年內不會辭職，並直言雖然無法阻止樓主辭職，但「如果你做一陣又走，我會好難交代」。樓主隨即接受提議，反指：「我驚你一年內炒我就真啦」。
雖然樓主不難過上司那一關，對方亦樂意不用刊登招聘廣告及安排面試，但他形容同事的嘴臉卻是「最難捱」。他指，與上司見面的那一天，已看到了不少同事看着自己竊竊私語，而且表情奇怪。直到他正式上班後，有同事更直接向他表示，「出面撈唔掂咩？」、「好馬不吃回頭草喎！」等，而且在知道樓主是主動回巢時，又幸災樂禍地詢問：「大裁員？咁即係無裁晒啦，又會淨係裁你嘅？」有「老屎忽」更形容他為「叛將」，並提醒他「返嚟做就畀心機喇，公司好大方㗎喇，走咗都仲收容你」、「老細對啲叛將嘅睇法係唔同啲，你走過已經代表養唔熟，老細未必會信你，所以再返嚟做真係要醒醒定定」等。
樓主自言以前是「獨家村」，與舊同事並不相熟絡，亦沒有過節，並指「嗰種教訓嘅口吻真係好難頂」，但因為需要一份穩定嘅收入，因此會忍受，並會盡量記住好人好事，例如幫助他鋪橋搭路的經理及願意聘請他的上司等，「其他人嘅說話咪當噪音囉，咁樣做人會比較易過啲」。
他又提到，當妻子問起其工作狀況時，自己會報喜不報憂，並指「相比起老婆要坐輪椅，每晚都痛到瞓唔着，又要一直接受各類治療，我聽下嗰啲單單打打嘅說話又算得咩？」他指：「你咪寸我囉！男人老狗呢啲嘢仲頂得住。生存要緊，其他嘢並唔重要」。
不少網民則留言支持他，並指「加油，人生存係為自己，不用理會啲無謂人」、「返工都係為搵錢啫，話知你講乜，總之每個月準時出糧就算」、「我睇到的反而係一個愛錫老婆、顧家為生活為老婆病痛擔憂的真男人」、「唔理佢哋做好自己最好」、「呢啲真係真男人能屈能伸」等。另有人則認為食回頭草沒有問題，並「唔係個個都有本事同資格食回頭草」、「我公司好多回頭，有個同事回頭咗3次，走一走返嚟人工又高咗，我直頭覺得佢醒」、「好馬不吃回頭草？係好草不妨回頭吃」等。
帖文來源：「辦公室日報」
資料來源: 星島日報
Tag cloud:
好工推介
職場熱話
- 1
- 2
-
2028年人力缺18萬 65歲及以上人口佔近三成 熟練技術人員少逾6萬
TOP 1 -
香港擺脫人才流失 金融業持牌人士近4.2萬名創歷史新高
TOP 2 -
投身註冊護士 開創事業新跑道
TOP 3 -
「雙11」吹淡風湊單退貨成熱話 購物意願顯著降低未公開整體銷售數據
TOP 4 -
香港在數碼競爭力排名上升3位 至全球第7位
TOP 5
-
天文台10時20分改發3號波 網民湧天文台FB留言掀罵戰：何必為難上班族？
TOP 6 -
馬斯克掌政府效率部料大炒冗員 旗下Tesla曾多番裁員 逼員工OT 解散公關部成創舉
TOP 7 -
東南亞海底撈熱跳「APT」 網民嘆：做服務員也這麼難
TOP 8 -
調查：近3成在職青年中度焦慮抑鬱困擾 男性求助率較女性低
TOP 9 -
上年度公務員流失9300人 5700人屬退休 首長級退休人數連升2年
TOP 10
-
雙11打不響價格戰 消費者回歸理性 「小鎮青年」購買力卻不容忽視
TOP 11 -
香港工作機會多薪酬吸引 泰國學生畢業留港發展
TOP 12 -
地監明年推強制進修計劃 「新牌仔」一年內須獲取4個學分
TOP 13 -
中介利用人才計劃推「考試移民」 受養人迅即變「本地生」考DSE入資助大學 收費可達50萬
TOP 14 -
航空業指飛機維修員短缺 憂再加航班未能應付
TOP 15
