聖誕節交換禮物難免遇伏。有網民於網上發文伸訴，指任職的廣告公司趁聖誕節舉辦交換禮物活動，惟他竟抽中一個「淘寶買返嚟嘅山寨LV銀包」，大感不滿之餘，更直斥送禮同事「究竟有無尊重自己嘅專業」？
該名網民於facebook專頁「辦公室日報」投稿，指日前公司舉辦聖誕派對，表明交換禮物的金額不可少於500元，「老闆會每人資助上限300元」，全公司有逾40人，若抽到禮物不合心意亦可私下與別人交換，故樓主選擇購買一枝價值530元的香水。
樓主透露當日不幸抽中「一個淘寶買返嚟嘅山寨LV銀包」，並指其公司是專門負責替奢侈品牌製作平面廣告，這份禮物令他甚感不滿，「買呢件假貨嘅人究竟有無尊重下自己嘅專業呀？」。
樓主忍不住即場詢問同僚，「唔好意思，假㗎喎！邊個送㗎？」。其中一名女同事爽快承認，更強調此銀包為高彷，「仲有埋個布袋同盒，係咪好真呀？」、「淘寶都幾快，聖誕前寄得切」。樓主聞言即反駁，「咩叫高仿？假嘢就係假嘢！」，惟對方竟稱該銀包造工精細，平日「粗用」並無不妥。此番解釋即惹樓主不滿，直斥「水杯起碼可以飲水，相架起碼可以擺相，收到個冒牌銀包真係火都嚟埋」。
雖然其他同僚亦勸樓主息怒，惟當樓主提出交換禮物的要求時，各人即「耍手擰頭」。樓主原本打算即時扔掉該山寨LV銀包，「後來諗諗吓都係出街丟遠啲算數」。他批評該女同事不尊重自己職業，「你做得呢份工，買件假貨返嚟唔單止侮辱同事，仲侮辱咗你自己」，希望明年公司再舉辦聖誕交換禮物時，禁止同事買假貨當作禮物，「不過最緊要都係唔好再抽中呢位同事嘅禮品」。
帖文引起網民熱論，不少網民批該名女同事買假貨當作禮物行為過分，「真係好肉酸，我覺得買平貨都好過買假貨」、「呢個價錢買到好多有用嘅野啦，點解買A貨?」；有網民更揶揄「其實個同事嘅智商係咪都係高仿？」，亦有網民建議應選擇食物作聖誕節禮物，「唔驚喜但唔會咁易得罪人!」
資料來源：辦公室日報
Tag cloud:
好工推介
職場熱話
- 1
- 2
-
國泰香港員工平均加薪3.8％ 預料三跑啟用發展更好
TOP 1 -
私人工程大減 龍頭工程顧問公司低調炒人
TOP 2 -
輸入技術人才 勞福局：明年交代詳情 會規定取永居權前任職相關缺人工種
TOP 3 -
深圳科企掟百萬鼓勵拍拖 員工脫單3個月賞¥1000
TOP 4 -
2028年人力缺18萬 65歲及以上人口佔近三成 熟練技術人員少逾6萬
TOP 5
-
香港擺脫人才流失 金融業持牌人士近4.2萬名創歷史新高
TOP 6 -
投身註冊護士 開創事業新跑道
TOP 7 -
「雙11」吹淡風湊單退貨成熱話 購物意願顯著降低未公開整體銷售數據
TOP 8 -
香港在數碼競爭力排名上升3位 至全球第7位
TOP 9 -
天文台10時20分改發3號波 網民湧天文台FB留言掀罵戰：何必為難上班族？
TOP 10
