部分「90後」原來已經踏入「3字頭」。近日，有「90後」則在網上發文，並向年輕一代提出8點忠告。部分網民認同相關內容，但亦有人批評樓主「未夠班」。
該名「90後」最近在連登討論區以「作為一個九十後想比年青人幾個忠告」為題發文，提到「90後呢個詞語開始係由年輕代表變做中年人嘅代表，90後算係見證呢個世代好多嘢嘅大轉變。無論係香港定係全世界各地，以下幾點好想年輕一代好好記住」。樓主又補充指，「心態決定境界，與其眼紅人哋令自己好過啲，不如學下點接受人成功好過啦。眼紅唔會令人哋過得差咗，只會令自己停滯不前」。
1.「要接受人開始真正長大，身邊真心朋友會愈來愈少，甚至乎會冇晒朋友，唔洗咁在意」
樓主指，「道不同不相為謀」，沒有一個人的人生步伐會與自己一樣，因此認為「合則來不合則去」，並指自己想得到與其他人不同，不需要因為失去朋友而悶悶不樂，並認為只要學懂獨立才可以真正成長。樓主指，人愈大應該懂得與自己相處，並知道自己「想點」，不需要其他人分擔。
2. 「接受呢個世界唔會有絕對公平」
樓主指，出身是無法改變的命運，不需在意沉沒成本(Sunk Cost，即已付出且不可收回的成本）。如果不接受只會令自己悶悶不樂，不會令事實有任何改變，而負能量只會令自己的人生更不愉快。樓主呼籲年輕人應思考如何可以改變現狀，並認為好好裝備自己才是最實際。
3.「接受其他人嘅成功，唔好同其他人比較咁多」
樓主指，部分網民喜歡「眼紅」他人，覺得自己自命不凡，「全世界都好似欠咗佢咁」，但認為這些人才是最可悲。樓主指，與別人比較則永遠不能成為做到最好的那個人，「因為永遠都會有人俾你做得更好」，並指「點解你仲要唔抵得其他人好過自己，而唔係諗下自己點樣進步呢？其他人成功背後付出嘅你永遠都見唔到。」
4. 「停止埋怨自己父母」
樓主指，自己的父母無法選擇，「佢畀唔到啲咩你點解你唔自己爭取，有幾多成功人士細個係未捱過苦？ 」樓主認為，應要明白父母的苦衷，不要只顧要求別人為自己付出，反而應思考自己如何可以在有限資源下做到更多。
5. 「知道自己人生其實唔係有咁多觀眾，唔好害怕失敗」
樓主指，不少人亦害怕失敗、被人取笑，或是自己會被「比下去」，但認為這些只是藉口。樓主指，在世界上最在意自己成功與否的人只有自己，在意其他人的目光只是愚蠢行為，經過不斷失敗才可以學會成功。
6.時刻保持良好嘅身體狀態
樓主指，在30歲後會開始發覺身體出現問題，保持良好體魄才可以做到想做的事 ，而失去健康所付出的代價亦比任何事更大，並指如果沒有健康的身體，便無法再享受任何事物，「有錢都唔會快樂」。
7.「放棄令你停止進步嘅關係」
樓主指，外表會隨着年月而有所改變，但人性則不會輕易改變。如果仍然沉淪在一段令自己停止進步的關係當中，樓主則勸勸及早離場止蝕。樓主指，「人唔進步就會退步，因為你身邊其他人都進步緊而你停滯不前就等於退步，時間唔等人無謂再浪費光陰」。
8.「行動緊要過right timing」
樓主又指，永遠無法捕捉最好時刻，「如果你成日都等緊最好時刻，你成個人生就只會白白浪費，因為永遠都唔係最好嘅時刻」。
相關帖文隨即引起熱議，有人認同樓主的看法，並指「sad but true」、「Thx 樓主，今年fg有啲迷惘，工作方面唔太順利，每日返工又大壓力，見住身邊啲朋友人工高過自己，成日係到諗幾時轉工點樣可以增值自己」、「好post，多謝你」、「我10後，多謝樓主點醒」等。
另有人則批評樓主「未夠班」，並指「而家啲九十後真係」、「已經勁到要畀忠告年青人」、「講到聖人咁」、「作為八十後想比樓主嘅忠告，心境年唔年輕睇人，而且啲『忠告』根本唔關年唔年輕事，可以apply去任何人，仲有雞湯已經唔流行」等。
另有不少「90後」則分享指，「我都作為90後都有啲經歷，都唔係想畀咩忠告，因為自己都係現在進行式。我會覺得人生好多嘢嘅出現都係有原因，無嘢係唔會白費，每樣嘢都係環環相扣。只要你做好手頭上嘅事，活在當下，未來嘅嘢野就會自然越嚟越好，所以唔好介懷過去，享受現在」。
資料來源：連登討論區、星島日報
好工推介
職場熱話
- 1
- 2
-
湊同事好似湊BB？職場巨嬰6大特徵逐個捉 教你拆彈3招
TOP 1 -
返中資公司極唔慣 網民：咩都要全中文！電郵要對15分鐘先敢send出街！
TOP 2 -
港人轉工平均需時7個月 AI催生新工種 LinkedIn指公司AI崗位優先請無經驗人才
TOP 3 -
民安隊全年招募一級隊員 無須經驗 訓練助掌握救援技能
TOP 4 -
康文署招聘流動圖書館助理員 月薪20,705元
TOP 5
-
移民公司招聘指定8大MBTI類型 網民熱議：係咪歧視P人？
TOP 6 -
香港經濟係咪真係咁差？網民熱議：而家好似平衡時空咁
TOP 7 -
外向嘅人喺職場上真係著數啲？網民：内向都可以識溝通！
TOP 8 -
2025職場5大趨勢 職場倒退或成新常態
TOP 9 -
Instagram青少年帳戶本周起擴至香港 「16歲以下」強制不公開 家長可設定時間限制
TOP 10
-
裁員潮殺到埋身？如何識別危機信號並成功自救！
TOP 11 -
BNO移民英國恐迎重大變局 英保守黨倡「5＋1」增至「10＋5」 移英港人︰怕多付十多萬NHS
TOP 12 -
「幫人摺衣服」成高薪副業？馬來西亞婦女單週賺1,300港元
TOP 13 -
加拿大港人「救生艇計劃」開放式工簽2.7截止申請 不再延長
TOP 14 -
內地年輕人潮興買迪士尼年卡自習 「最快樂地方做最痛苦的事」
TOP 15
-
DeepSeek百萬年薪「招兵買馬」 入職要求大揭秘
TOP 16 -
研究揭院舍保健員與護士職能高度重疊 護士僅3項「獨家秘技」
TOP 17 -
外勞小巴司機駕駛考試重考次數高達727次 合格率僅42％
TOP 18 -
把握大灣區發展機遇 中電學院推電力課程 助學員最快一年取得內地及香港電力工程資格
TOP 19 -
新春喜迎開工利是 最高一間派2388元 即睇不同機構派幾多
TOP 20
