第一話 旅遊巴塞車遲到!?：https://bit.ly/2PYKu6V
第二話 農莊有蚊有泥!?：https://bit.ly/2Q9fFfI
第三話 6人5串燒點分!?：https://bit.ly/2xam9Ty
第四話 為食甜品冇車撘!?：https://bit.ly/2I95JPP
公司活動完後，我繼續受到 #我的港女上司 WhatsApp攻擊 💣，結果剩餘嗰半日假期都不得安寧，心情被嚴重影響，個腦係咁諗：「唉， 😞聽朝一早就要同港女一齊打去旅遊巴公司做潑婦R著數，間公司有我名又有我手提電話，要找悔氣實係找我啦。 😞」
重點係我好介意要同個港女一齊被標籤為唔講道理嘅乞客，不停諗點樣可以避開唔一齊用Speaker Phone打去投訴呢？活動後有好多手尾要跟，如果Sick Leave即係其他同事要做埋我嗰份，咁會犯眾憎，而且避到一日，第二日佢都會煩住我，結果我返到屋企，好無奈咁打咗去旅遊巴公司 😞。
我超勁好禮貌 😊：「你好，我係XXX公司嘅詩寧，今日Book咗你哋車，單號係12345，今日嘅服務出咗啲問題，請問負責人喺唔喺度？」
網上圖片
旅 😨：「下！今日係星期日，得我喺公司咋！小姐你等等，我搵返你張單出嚟先……（幾十秒後）搵到喇，唔好意思，請問有咩問題？ 😰」
我 😅：「你唔使咁緊張，其實好小事（妖，小事又投訴？我自己講完都覺矛盾）Um…… 😐有幾樣嘢嘅……首先你哋司機嚟嗰時遲到，上車後佢態度又好惡，同埋佢唔識路，最後回程嗰時……我哋遲咗……幾個字，佢無等我哋，搞到我哋幾十人搭的士。」
旅 😱：「下！有啲咁嘅事？唔好意思，你交比我，交比我，我會向司機了解返！睇返張單，今日個司機係替工嚟嘅，可能佢唔熟公司規矩，我會話下佢，如果佢真係有問題，我哋就唔再用佢。因為今日比較多單，唔夠人手所以要搵替工司機幫幫，唔好意思 🙇🏻，我會盡快比答覆你。」
下？以後唔再用佢？又唔使搞到人無咗份工呀嘛？ 🤦🏻♀️
我 😅：「你真係唔使咁緊張，我……其實……唔係好嬲，因為件事……個司機又錯唔晒嘅 😐……佢一早有同我哋講今日多單，叫我哋唔好遲……而我哋都遲得……幾多下 🤦🏻♀️，不過佢粒聲唔出走咗又真係搞到我哋同事好徬徨……」
（我開始唔知自己講緊咩）
旅 🙇🏻：「真係唔好意思呀小姐，帶比你麻煩，今日係星期日，我聽日同其他同事商量完再比返個答覆你？」
我：「聽日……其實聽日我會再打嚟投訴 🤦🏻♀️……er……我老闆要我同佢一齊打嚟，即係而家我一個人打嚟鬧你，然後聽朝兩個人再打嚟鬧多你一次，老闆要親耳聽到我投訴先OK……你明唔明呀？ 🙈」
網上圖片
旅 😅：「下？哈？哦……」（好明顯佢唔明，因為我自己都唔係好明）
我 🤦🏻♀️：「唉！算啦，我講白啲！即係咁，其實件事好小問題，小到唔需要投訴 😑，但我老闆一定要我打嚟投訴。同埋要我而家先投訴一次，聽朝返公司再投訴多次 🤦🏻♀️，咁你聽朝聽電話嗰時要當我今日已經鬧咗你一鑊，然後求其話下次比返個九折我哋，OK？我老闆一定要聽到有折先收手架！如果九折太多你就比九五折啦 😑！至於個司機，你求其話下佢算啦，唔好打爛佢飯碗 🙏🏼。」
旅遊巴職員聽完大笑 😂：「哈哈哈……好，明白明白。」
我勁無奈 😑：「你叫咩名呀？我聽朝打嚟搵返你，廢事你其他同事接咗個電話，以為我真係打嚟鬧人呀。」
旅 😂：「哈哈……我叫阿傑，你可以搵返我。」
我 😅：「好啦阿傑，咁我聽朝九點打嚟鬧你，你唔好請假呀。」
旅 😂：「哈哈……無問題，我喺度。」
我 😑：「你記得唔好炒個司機呀，叫佢下次唔好咁惡就算啦，聽日再傾啦。Bye Bye。」
旅 😂：「哈哈……唔該晒你呀小姐，Bye Bye。」
網上圖片
第二日，我同旅遊巴公司阿傑照劇本演咗一幕「潑婦R九折」 😡，我仲講到個司機會危害其他道路使用者安全，應該釘牌咁濟，港女表示非常滿意 😄，事後我可以安安落落咁做正經嘢，唔使比佢無限糾纏。 ✌️
返工遇到無理老闆，自己食 💩還好，但若佢逼你搵外人一齊食 💩就要考慮下Say No 🙅🏻，個世界咁細，整衰自己個朵就無謂啦。無人會去諗你有苦衷，只會覺得你賤格。例如你做In House Marketing，老闆叫你壓榨Agency、折磨Designer 😈；或者你做銀行，老闆叫你跑數，呃晒老人家錢買高風險基金 🤑，你係咪又照做？
累到司機無工開，人哋背後可能一家五口等開飯。😢有時無得正面推老闆嘅白痴Order，唯有背後出招啦～
Tag cloud:
好工推介
職場熱話
- 1
- 2
-
英電訊商推出AI婆婆智鬥電話騙徒 不只唐僧式嘮叨煩死賊 還可協助捉匪
TOP 1 -
會計師公會指仍有11％上市企業董事局只有單一性別 可供應女性董事人才
TOP 2 -
「香港企業網絡保安準備指數」上升5.8點 近7成企業過去一年曾受網絡攻擊
TOP 3 -
政府擬要求健全失業綜援受助人 須參與無償工作 違者罰停發款項7日
TOP 4 -
內地年輕人為慳錢寧租酒店洗衫 網上攻略教4粒鐘不停洗
TOP 5
-
最強護照排名 榜首新加坡擁免簽地區XX個 中國同香港特區排第。。。
TOP 6 -
港航明年重返長途國際市場 擬增聘6成員工
TOP 7 -
瑞士酒店管理強調體驗式學習 助畢業生提升職場競爭力
TOP 8 -
國泰香港員工平均加薪3.8％ 預料三跑啟用發展更好
TOP 9 -
私人工程大減 龍頭工程顧問公司低調炒人
TOP 10
-
輸入技術人才 勞福局：明年交代詳情 會規定取永居權前任職相關缺人工種
TOP 11 -
深圳科企掟百萬鼓勵拍拖 員工脫單3個月賞¥1000
TOP 12 -
2028年人力缺18萬 65歲及以上人口佔近三成 熟練技術人員少逾6萬
TOP 13 -
香港擺脫人才流失 金融業持牌人士近4.2萬名創歷史新高
TOP 14 -
投身註冊護士 開創事業新跑道
TOP 15
