職趣事

 

香港能夠成為一個投訴之都，全賴部份比咗少少錢以為自己係皇帝嘅香港人，呢班人出心出力，日日投訴，當中包括 #我的港女上司 。

 

平時做嘢，只要個Vendor做錯少少，例如Deadline係5pm，但對方竟然5:05pm先交貨 ⏰，港女上司就會逼我哋出一封Official Email比對方老闆 📧，投訴佢下屬大拿拿遲咗五分鐘！Email出完仲要補多個電話，確保佢老闆收到，同埋要喺電話鬧佢老闆一次，確保佢老闆受氣，繼而令老闆搵返個下屬出氣，目的係保證下屬受到「應得懲罰」，務必要佢為嗰五分鐘負！責！任！

 

 

網上圖片

 

（ 每次佢要我哋推人埋牆角，我都諗起吳雨霏…… 🎤是我 共你逼得太近 你間中想一個人 跟你早應該要　如遠若近）

 

#我的港女上司 呢種性格，搞到我哋人心惶惶，因為每次投訴都係用我哋名義去寫、我哋把口去講，喂，邊有人鐘意做醜人？即係如果個被投訴者要咒，就係咒我哋。

 

網上圖片

 

有次公司要帶班同事去戶外活動 🌞，由我哋Team負責Organize，話說架旅遊巴遲咗十五分鐘，港女上司燥到爆炸，嗰十五分鐘我真係極難受，每30秒佢就同我重覆以下對話：

 

「點解個司機仲未到？打去催下佢。」 😡

 

我：「打咗，司機話塞車，趕緊嚟，我哋再等等啦。」 😅

 

港：「搞錯呀，我哋啲同事都到晒啦，打去佢公司，問下有無其他司機可以嚟左先。」 😡

 

（ 🎤為何還未看開～司機怎可以說不載～　Hello？瞓醒未？開架AM車嚟接你好嘛？咁柒嘅Order我點樣跟？！）

 

書到用時方知妙 📘，突然記起白先勇《寂寞的十七歲》，入面有條友「自己給自己打假電話」，靈機一觸 💡，我行埋一邊，扮晒打去旅遊巴公司「自己給自己假投訴」 📱。

 

我：「我同個老闆講咗喇，佢話今日多人用車，派唔到另一架車嚟，同我哋道咗歉，佢講咗好多次唔好意思，佢話事後會教訓個司機，我哋再等下啦。」 😅

 

《合約男女》劇照

 

（跟你一排，唔通唔知你純粹想個司機比老闆鬧咩，聽到話個老闆會鬧個司機，港女上司露出滿意的微笑 😏。）

 

嗰十五分鐘我就不斷打假電話比旅遊巴公司同司機，終於捱到架車嚟喇！正當我想謝主謝佛謝天謝地之際，港女上司一衝上車就大叫 😡：「喂點解無冷氣嘅？」呢一刻我知道…投訴戰啱啱先開始。

 

選文：詩寧