職趣事

買樓講地段，Office揀位同樣講位置。萬一不幸坐正「衰位」，小則渾身唔聚財，重則行衰運行路打倒褪，揀個好位同揀好老婆同樣重要。有網友就留言說，工作位置對正上司，日日被人望到實，返工慘過坐監。

 

 

網友話，最怕上司坐正後面個位，事關做完野想開其他網睇睇都唔得，上司見到佢上網，即刻話你係未做完野，冇野做要出聲喎，吊頸都無得抖氣，堪稱最慘豬。網民紛紛留言哀悼，「係人坐係（喺）後面都唔舒服，好似被監視咁」、「放臭屁逼走你上司」。

 

大家同情網友遭遇嘅同時，都要留意吓公司有乜衰位打死唔好揀，除咗上司前面個位，小編還找出五個辦公室「三煞位」。

 

1. 背向走廊

後面坐咗上司固然慘，但背向走廊更慘，不單老細隨時經過，同事更會在你後面出出入入，壓力大增，想hea一hea都怕有人見到，隨時俾人「篤背脊」。

 

 

2. 洗手間隔離

洗手間是office每位同事必經之地，坐在隔離不單感覺上衛生較差，總是感到有陣特殊氣味，而且洗手間是公司是非之地，隨時聽到不應知道的消息，招致殺身之禍。

 

3. 面壁要思過

醫生經常說整天對著電腦熒幕，要定時望遠放鬆眼睛，不過如果當你站起來，只能望到前面的一道牆，你想放鬆眼睛都幾難。而且成日對住冷冰冰的牆，環境不夠開揚，人都都會鬱悶點。

 

4. 冷氣風口位

風繼續吹，很想遠離。坐正風口位，冷氣兜頭吹，成日頭痛感冒，加了人工都不夠睇醫生。為咗做足防風措施，身處公司都要包到去咗沙漠咁。

 

 

 

5. 影印機旁邊

怕咗輻射唔再去日本，但偏偏坐在影印機旁邊，同事日印夜印，你就同時吸收輻射，還有那些炭粉噴噴噴，總是搞到人心煩。再加上每次有人不懂用影印機都來問你，煩唔煩呀？

 

你有無坐正「三煞位」，想轉工換換環境呢？立即登入 Job Market的 Recruitment Day，搵份好工啦！