職趣事

有同事經常定期請sick leave，請到影響同事工作，你會點做？網上討論區就有網民遇見這種情況，而且很困惑，請教網民如何處理。

這位名叫「Woafle」的網友說由於工種問題，公司男同事較多，上司都是男性。最近來了一位新同事係女子，仲要係靚女，以為可以開心上班，個個男同事、男上司對呢位新來女同事都好好，平時一向OT的文化，來到新女同事的時候就不用OT了。 

資料圖片

但Woafle表示，女同事連續兩個月到時到候都請假，原因是M到（月事來了），衍生的問題是新女同事sick leave時，她手頭上的工作都要Woafle來跟，又說：「就算佢請完假返工個日都好似好痛苦咁，都唔係做到好多嘢。」但總有熱心男同事主動說幫她減輕負擔，Woafle擔心長此下去，「咁樣長期落去唔係路。」質疑她兩個月請假的日子唔多一樣，「都唔知係咪扮嘢」，又說「有病咪睇醫生食藥囉。」

有女網民見狀即刻回覆，指Woafle無知：「你未見識過咩叫痛我唔怪你......月經唔係真係個個月同一日架」，有網民也表示「M痛」真係可以好大件事：「有時食藥都冇用」、「其實M痛真係會痛到暈」、「有時會血崩，真係街都出唔到」、「你體諒一下人啦」，也有網民就擔心這位新女同事的身體情況：「我有個女同事M到就好痛，痛到要入醫院打針。最後bodycheck入面有個瘤，所以痛得咁緊要，應該身體有問題。」 

有些網民就「狂請病假」大發洩，指這名新女同事有機會借故請病假：「我有啲同事郁啲就請假，硬食埋佢的工作，返來仲話跟得唔好」、「唔排除佢借月事故意請假，由其是多嘢做的日子，之前試過一個同事，每個月都用這個藉口休息，最慘佢重要將休息去玩嘅相放上網，驚死冇人知咁，有次仲係海x公園見到佢。」