「躺平」雖然不是非物質文化遺產，也跟人工智能無關，但近年成為儒家、道家、法家以外一種新的學術思想——躺平家。今期有多位躺平家現身說法，分享在辦公室各種躺平技巧。

1.當老細話「後生仔畀心機勤力Ｄ做嘢唔好怕辛苦」時

「老細，我已經好畀心機，聽你講嘢係呢份工最辛苦的一part，證明我唔怕辛苦。」

2.當老細要求你加班時

「老細，今日地鐵新巴九巴電車都冇加班，對不對？我只想搭『下班』車 …… 」

3.當老細要求全體員工「匯報過去一星期的工作」時

「老細，我連過去一星期吃過的午餐晚飯都忘記了。」

4.同事叫你一起參加公司的籃球比賽時

「我覺得自己能夠逃避參賽就已經代表贏了。」

5.上司一再指出你犯錯時

「你上次已經掌摑了我左邊面，今次再掌摑了我右邊面 …… 不要再打面好嗎？」

6.在公司一塊列出各人每月的工作時，發現自己「常滿」，同事深表同情時 「長命工夫長命做。孔子同耶穌都講過：『我雖死，有子存焉；子又生孫，孫又生子；子又有子，子又有孫 …… 』，我自問今個月係冇可能做晒Ｄ嘢，就由我個仔、我個孫、我個曾孫做吧 …… 」

7.人事部發電郵警告員工遲到早退的行為時

「公司都會遲出糧，客戶都會要求早起貨，大家都覺得沒有問題吧，所以遲呀早呀都是正常不過的事。」

8.同事埋怨老細「升阿邊個唔升佢」，認為必須轉工時

「人哋話魚唔過塘唔肥，我就話魚越肥越早被劏。你轉工，都只不過是轉到另一個監倉，一動不如一靜吧。」

無論你是80後、90後定千禧後，如果你在職場上遇到甚麼新奇有趣的遭遇，不妨公諸於世跟大家分享一下兩下三下。

電郵地址：[email protected]