職場打滾，有時往往為高薪而「硬食」麻煩同事。有社恐打工仔左想右想，還是決定向網民求助，跪求「辦公室自閉法」，但求在無盡的上班日子中能每天過得好一些。
樓主早前在網上「香港討論區」以「請問大家有冇辦公室自閉法？」為題發文向網民提問——「有冇d同事好衰？自閉是惟一出路？有乜方法？」，並形容自己「返去生不如死。惟有工作之外，寄情手機」、「自行自閉，不問世事，不打交道」。
關乎飯碗 網民冷靜分析
不過儘管上班難受，樓主表明不會辭職，因「出去搵唔到呢個人工」，所以唯有學做職場忍者。關乎飯碗，回應的網民冷靜替樓主分析：「視乎工作性質，很難玩自閉」、「唯一，除非你做得耐，或者公司流程容許你自閉，如果唔係，唔係你話自閉就可以自閉，有時工作上好多嘢都需要同人夾。我都想做一份可以自閉嘅工，可以唔使理其他人，但奈何搵唔到。如果你話做保安，咪一樣要對住啲住客」。
網民：擺脫同事羈絆唯有「自僱」
有回應的網民左度右度，指想擺脫同事羈絆唯有「自僱」。另有相信是資深職員的網民則教路：「借咗聾耳陳對耳囉，多做多錯，少做少錯，不做不錯，唔係你負責嘅嘢一律唔掂，就算你知點做都唔好出頭，直至係被指派先至做，至於你話啲同事好衰，咁你返工為乜先？為賺錢丫嘛，準時出到糧咪算囉，又唔係要同班垃圾做人世，收工後就四個大字，關人Ｘ事」。
樓主在回應網民時表示明白上班「唔係搵朋友，不過有傾得咪時間容易過d」，只是卻發現同事「愈來愈唔啱咀型」，並提到奇怪有同事「本來有傾有講，又冇得罪佢，無啦啦冷淡晒」，還稱「我老細都知道d人麻煩。自己都自閉，成日篤電話」。
網民力數同事：把口成日講唔停
有網民接著力數自己同事的不是，斥「班師奶同事好鬼煩，把口成日講唔停，為講而講，成日要扮外向扮多嘢講，好ONＸ」。另有人直接回應樓主，稱「有乜好傾？有乜好講？冷淡咪冷淡囉，返工，最緊要有糧支」，並提醒「所有同事都會因為利益互相出賣，傾計留返畀屋企人或朋友」；還有人自爆「我十年前有一期都因為唔想係辦公室對住d智障同事，走咗去做送貨」。
資料來源：香港討論區、星島日報
好工推介
職場熱話
- 1
- 2
-
牙醫由鐵飯碗變鐵棺材 畢業生大呻：「讀全港最難入嘅科 但過住連洗潔精都買唔起嘅人生」
TOP 1 -
民政事務總署招聘行政助理 月薪$28,725
TOP 2 -
青年就業困難 學者警示隱形失業群體規模擴大
TOP 3 -
高敏特質共情能力太高 對細微變化敏銳 壓力容易爆煲 點樣應對職場壓力？
TOP 4 -
求職者彈出又彈入 力搲工作機會後又拒絕Offer 前後拉鋸2年 最終被納入黑名單
TOP 5
-
面對AI浪潮 職場新鮮人點先可以提高競爭力？
TOP 6 -
十號風球下快餐店成戰場 經理情緒失控 員工連踩11小時近崩潰
TOP 7 -
職場新詞「安靜崩裂」 即使努力工作 內心卻早已疲憊不堪
TOP 8 -
Netflix首用生成式AI製作影集 製作速度快10倍 有效降特效成本
TOP 9 -
全球裁員潮 員工最容易有職場倖存者症候群 六成人感到過勞 七成人工作動力明顯下降
TOP 10
-
環聯：Z世代收入增加比例最明顯 39％消費者削非必要支出
TOP 11 -
日本興起出租阿嫲 唔只做家務湊細路 仲可以陪談判分手
TOP 12 -
公共圖書館變「扮工」聚腳地？失業港人每日必到＋做3件事
TOP 13 -
87％港畢業生對前景充滿信心 最愛金融及STEM行業 憂AI帶來顛覆
TOP 14 -
KAM爆新仔突問女上司「點解條件咁好都未結婚」 對方一招KO！
TOP 15
