都市人忘記帶鎖匙，深夜返歸有家歸不得，若不出外住酒店，就需要找鎖匠開鎖。有女網民凌晨發現無帶鎖匙，故向鎖匠求鎖，對方開價3800元，女網民深感不值，故上載圖話，引起網民討論。
女網民在Facebook專頁「巴打絲打 Facebook Club」上載與鎖匠的對話，指凌晨三時找鎖匠開鎖，對方開價3800元，「我真系好想知就算係凌晨三點，搵開鎖佬淨係開個房門鎖，使唔使收3800。」她直斥對方是黑店，又上載與鎖匠對話的錄音及短訊。
鎖匠解釋指，凌晨開鎖「係呢個價」，指事主臨時入住酒店亦要1600元至1800元，而他乘的士到事主住址亦要過千元，稱其他師傅也未必做凌晨生意。事主其後回覆鎖匠，稱自己找到另一個人開鎖只要收500元，對方笑說「恭喜你囉，下次繼續唔好帶鎖匙囉」。
網民對事件看法兩極，有網民認為鎖匠開價太貴，「普通打工仔，差唔多8日人工，自己用萬字夾開好過啦」、「好過搶，一個月做兩三單都好好搵，唔搵佢開都好合理，記得帶鎖匙。」
亦有網民認為深夜無鎖匠開工，開價屬合理，「凌晨三點叫人起身做嘢又唔想貴，咪去酒店睇吓有冇房，瞓醒大把開鎖師傅開工咪唔貴囉」、「千五蚊工，深夜計你兩工半，差唔多啦」。
來源：星島日報
Email: advertising@jobmarket.com.hk
Email: enquiry@jobmarket.com.hk
