港人除了要面對搵食艱難，養育下一代更是煩惱。有連登網民近日就發帖指，中產家庭的孩子注定贏在起跑線，如無錢為下一代提供最好，就不應生小朋友，其「窮人不應生仔」的言論引起網民熱議。
有連登網民以「其實香港好多人唔明白貧窮係幾可怕，你永遠彌補唔返」發帖，指大家身邊公司總有些中產二代，識樂器又懂多國語言，未見識過世間殘苦，形容是「人上人」，「佢地冇諗過佢地嘅大半所得都係源於有一個負責任嘅老豆老母。貧窮，未真正體會過嘅人係絕對唔會了解！」
網民說，因為貧窮，童年「乜都冇玩過，冇去過」。（《上流寄生族》劇照）
網民說，因為貧窮，童年「乜都冇玩過，冇去過」，甚至無法和同學去旅行及出去玩，以致見識少。貧窮更令他們成績差，「人哋就算學習能力差，都可以補習操多啲題目」。加上窮人父母通常是低學歷及思想有問題，「佢哋以每年極少數窮苦考生考入醫科嘅例子，去證明窮人讀書冇蝕底」，但就忽略了99%的窮學生連大學都入不到，甚至中學都未讀完就退學 。相反中產、小康家庭的父母就會教導小朋友功課和啟發他們，「呢個情況等同你唔著盔甲，赤手空拳同一個著晒輕甲，手持短劍嘅人一決生死一樣......99%前者必敗無疑。」即使以後用盡方法賺錢，都不可能追回失去的光陰，「你嘅大半生已經係灰白色」，因此「窮人唔應該生仔」
貼文引起熱議，意見兩極，有人指反駁不到，「真呀，個差距係大到想象唔到，中產父母一個月收入，可能已係窮人家庭兩三年收入，仲未計資產多可以投資增值，仲有由細到大品格見識，根本係永世無可能追到」、「細個窮冇乜見識，啲錢要慳住洗冇得同朋友去玩，剩係可以留係屋企，形成咗個人嘅性格，大個就算屋企環境好啲，但個性格都好難改變，依然好內向好自卑」。
不過亦有人認為貧窮根本沒有定義，「家庭月入幾多錢先生得？」、「中產出身要寄望唔好家道中落，自己唔好敗家，因為比啲捱出嚟有成績嘅人嚟講，後者真係會堅毅過你」、「其他人都未睇你唔起，你就先睇唔起你自己，」、「窮人更加要生，更加要證明唔可以衰俾人睇」。
資料來源：星島日報
好工推介
職場熱話
- 1
- 2
-
國泰香港員工平均加薪3.8％ 預料三跑啟用發展更好
TOP 1 -
私人工程大減 龍頭工程顧問公司低調炒人
TOP 2 -
輸入技術人才 勞福局：明年交代詳情 會規定取永居權前任職相關缺人工種
TOP 3 -
深圳科企掟百萬鼓勵拍拖 員工脫單3個月賞¥1000
TOP 4 -
2028年人力缺18萬 65歲及以上人口佔近三成 熟練技術人員少逾6萬
TOP 5
-
香港擺脫人才流失 金融業持牌人士近4.2萬名創歷史新高
TOP 6 -
投身註冊護士 開創事業新跑道
TOP 7 -
「雙11」吹淡風湊單退貨成熱話 購物意願顯著降低未公開整體銷售數據
TOP 8 -
香港在數碼競爭力排名上升3位 至全球第7位
TOP 9 -
天文台10時20分改發3號波 網民湧天文台FB留言掀罵戰：何必為難上班族？
TOP 10
