社會無情，人間有情。日前有網民聲稱見到一宗好人好事，一名地盤工人伸出援手，幫助一名帶孫仔食米線慶生日的婆婆，事後該網民將事件放上社交平台，引來一眾網民熱烈讚好。
有網民於facebook群組「香港米線關注組」發文，指昨日到深水埗食米線，期間見到一名老婆婆帶同年約10歲的小朋友入內用餐。該名網民形容該名小朋友一入內已表示雀躍及開心，原來該名老婆婆帶孫仔食米線慶祝生日。當時婆婆向職員落單，要求一碗淨酸辣米線，惟職員表示「淨米線我哋唔可以轉湯底」。
網民指婆婆「個樣就好愁」，然後向職員表示「唔該你呀，我孫仔好鍾意食呢度嘅酸辣湯」，又指自己僅得20元，小聲請求對方通融。期間附近一名地盤工人上前向職員表示「幫佢叫一碗過橋酸辣米線，我幫佢埋單」，然後離開。
該名網民大受感動，慨嘆稱：「喺好多人眼中一碗唾手可得嘅米線，突然變得咁奢侈，喺一間米線鋪原來除咗食到酸味麻味辣味，仲食到苦澀味同人情味」。
帖文一出後，旋即引來大批網民讚好及分享，大讚地盤工人是暖男及真漢子，「估唔到呢啲好似幾廿年前嘅情境會喺今日嘅香港睇到」、「社會無情 人間有愛」、「好多地盤哥哥都好好心地」、「仗義每多屠狗輩，古人嘅說話絕少有錯！欣賞呢位暖男地盤哥哥」、「好有人情味」、「好多職安真漢子都鐵漢柔情勝過黎明」。不過，亦有網民質疑帖文的真確性，但隨即被一名網民留言回覆「總有人會唔相信故事嘅真實性而有所懷疑，但並唔代表唔會發生呢啲事！大家未遇過呢啲情景，唔該唔好立亂話作故仔」、「真假唔重要，大家以後遇到做多啲咪一樣咁美好」。
資料來源：facebook群組「香港米線關注組」、星島日報
Email: advertising@jobmarket.com.hk
Email: enquiry@jobmarket.com.hk
