日本人氣動漫Chiikawa（吉伊卡哇）在本港首間官方期間限定店，近日在尖沙咀海港城開幕，發售多款經典公仔，不少粉絲及黃牛黨通宵排隊搶購。
該位Chiikawa店店員今日凌晨（16日）在社交平台Threads發表多個長帖，他以逾千字細述在本月14日及15日與黃牛黨的兩日激戰情況。
九成以上都係黃牛 黃牛食煙食麵整到勁污糟
他表示，應朋友邀請，在前日(14日)「臨危受命，一出到去全個海旁都係黃牛，係多人到得人驚，啲人係企滿咗海港城樓梯底有蓋嘅地方」。
傳媒拍到海港城門外排隊大打「蛇餅」，他說：「你哋睇到嘅只係下面排隊嘅畫面，上面嗰二百幾人先係最恐怖，九成以上都係黃牛。」
他說，這些黃牛黨「食煙食麵整到個地方勁污糟，啲垃圾掉落周圍都係」，由於場地太污糟，最後令到主辦方改變策略，「直接喺下面調人上嚟實名登記。」
一個黃牛去廁所10個人返嚟
他表示，當時已經「諗咗好多招去防止黃牛全面進場」，尤其是去廁所是黃牛乘機插隊的機會，因為「黃牛好興一個人去廁所10個人返嚟」，他們想到「一定要手臂有個印」就是要防止杜絕這種情況。
排隊期間若「想去廁所點樣？答案一律係，你自己選擇」，他表示，只要有關人士和前後左右協調好，「一定畀佢去，但有啲經常出入嘅直接叫佢去隊尾。」
他說，14日當日以「手臂有個印」方式杜絕黃牛黨，但仍有「一兩個漏網之魚」，其中一個黃牛黨成員「堅持到要搵成隊警察過嚟盤佢先肯走」。
正式「黃牛大戰」：問問題冇Model answer
到昨日（15日），他形容是「正式黃牛大戰」，與黃牛黨正面交鋒，他表示，由於收到很多投訴，「懷疑有人買公仔返嚟進行炒賣」。
主辦方決定以問問題方法踢走黃牛黨，排隊者必須要答對有關Chiikawa的問題，「必須要確認係認識作品先可以放行。」
小紅書昨日流傳不少現場問題的標準答案，但他透露：「問問題呢一part，根本冇真正嘅Model answer。」
「兔哥哥哥係邊個？兔哥係冇哥哥㗎。」
他表示，負責問問題的員工「超熟書」，而且他們每人「都有幾條自己收埋好勁嘅問題」。
他透露了自己的一些「好勁嘅問題」及答案：「例如，邊個角色有一級除草證？係布甸狗啊！（之前聯乘嘅作品）。我嘅問題係，兔哥哥哥係邊個？兔哥係冇哥哥㗎。」
100籌得3個答到 黃牛蛇頭竟變真粉
究竟現場「趕牛」最誇張時情況如何？他說：「一個block，100籌得3個答到。」他真心讚上司「容許我哋做到咁狠」。
問了不少排隊者，成功趕走不少黃牛黨成員，他表示，有一個「明顯係黃牛蛇頭」最令他印象深刻，「（佢）係一個50幾歲嘅阿伯，我問小八屋企有咩傢俬？佢嘅答案係，小八咁窮，屋企會有咩傢俬丫。」
這位蛇頭未墮入問題的陷阱，這位店員說：「有種感覺係黃牛變真粉，至少呢幾個鐘佢有讀書，所以我係畀佢入場嘅。」
代排家人不懂答出示IG Whatsapp證明
至於一些非黃牛黨、代家人朋友排隊購買的人士，主辦方如何識別？他表示，如有人代女朋友購買，本身不認識Chiikawa，他們「會要求佢開佢女朋友個IG，證明嗰個係你女朋友，女朋友鍾意一定會post少少Chiikawa」。
如母親代女兒排隊購買，「我哋都有睇佢哋傾偈嘅WhatsApp，呢啲咁sweet嘅故仔，係咁以問啲簡單問題就放佢啦。」
好多Fans主動留下守護問問題女同事 防黃牛發難
除了問問題，他們收款只收電子支付，亦杜絕不少黃牛黨，原來這些黃牛黨「只有微信支付寶，重複同一個銀碼短時間交易係會封Account，咁樣都令到一班黃牛完成唔到成個交易，咁我都要請佢走啦」。
他又感激現場不少Fans在購買完公仔後，主動留下來保護問問題的女同事，以防黃牛黨發難，「Chiikawa 嘅世界真係好有愛，你係估唔到會有咁多fans 買完公仔留喺度做義工，包括保護問問題嘅女同事。」
最後他提到「今次黃牛提早大舉入侵」，「連主辦都措手不及」，他估計「最大嘅原因係睇到Chiikawa group本身就吹雞一齊排隊......黃牛就當我哋係敵人，所以早你24個鐘（排隊）同你玩燒時間」，所以他建議「下次都係人少少自己傾喇」。
資料來源：星島頭條
好工推介
職場熱話
- 1
- 2
-
日本接近半數年輕打工仔有好孩子症候群 咩都話冇問題 但最後會辭職
TOP 1 -
獨樂樂一啲都唔怪 日本研究：九成打工仔喜歡獨處 無職場朋友並唔孤單
TOP 2 -
AI成職場必要技能 Shopify：招聘新員工前確定AI能否取代
TOP 3 -
遞信先至識挽留？網民：「辭職如分手，一去冇回頭」
TOP 4 -
同事霸道又情緒化 港女每日返工如入地獄：已經踩我底線好多次
TOP 5
-
唔計畢業證書 學校知識對返工有咩幫助？
TOP 6 -
Chiikawa店員親爆大戰黃牛黨內幕 揭黃牛提早大舉入侵原因：連主辦都措手不及
TOP 7 -
扮忙係為咗反抗公司政策？GenZ興起Taskmasking
TOP 8 -
香港樹仁大學 逆境及創傷心理學社會科學碩士
TOP 9 -
裝飾及維修工程需求日增 求才若渴 入行好時機
TOP 10
-
廣州「以舊換新」補貼最高¥2萬 香港零售業將雪上加霜？
TOP 11 -
盤點最癲Micromanagement上司行為 「連用電腦快捷鍵都唔俾」
TOP 12 -
政府統計處招聘全職兼職訪問員 全職月薪$20,770 兼職時薪$123
TOP 13 -
呢個時勢有份伏工返下應該感恩？網民：「捱到有情緒病有排搞」
TOP 14 -
恆指歷史性大跌3021點 盤點歷年股災對就業市場有咩影響
TOP 15
-
56歲台男屢次申請職位遭拒 控告星宇航空年齡歧視 公司最終被判罰 7.3萬港元
TOP 16 -
兩年內你也可成為一位遊戲治療師？
TOP 17 -
人生只有返工放工 職場新鮮人：「唔通成世都係咁」
TOP 18 -
網民問點解求職者CV唔寫年齡：「下下都要人哋估得咁辛苦！」
TOP 19 -
64歲俾人炒 加上子女失業 打工仔感彷徨：「仲有邊個會請？」
TOP 20
