職趣事

大部分見工者對面試官都恭恭敬敬，但有網友埋怨見工時遇上「臭串」經理，態度傲慢小看他，更提出苛刻聘用條件，網友忍不住反唇相譏，憤然拍枱離開。

有網友在討論區留言，指見工時遇到一位經理「串串貢」，面試時不停玩手機，坐姿似大爺。經理不停批評網友經驗少，缺乏專業知識，大踩他的舊公司，一番指摘後，更輕蔑地送上一句︰「點解我要請你？你會唔會覺得你個薪金要求太高？我覺得你寫返現價我都覺高」。

這一刻，網友終於按捺不住爆發，反問經理「年假7日，仲要5天半工作，上到嚟又壓價！你公司好大好出名呀？出唔起錢請人就咪學人請！」之後極速收回履歷表，揚長而去。

此帖引來網民討論，部分認為網友做得好，「招聘同應聘，大家對等，用家長語氣面試，絕對要不得」、「講得好，唔識尊重人做黎冇意思」、「要請人但又問返見工果個點解要請佢，訓醒未呀？」

不過亦有網民不認同主角做法，「點解要請你係好正常interview問題」、「比人串兩野就發老脾，難成大器」、「一個問題，就可以令個EQ低，冇應變能力既人現晒形」。