職趣事

俗語有云「男怕入錯行，女怕嫁錯郎」，網民在facebook專頁「奴工處」指，他修畢6年大學課程後，近日投身專業行業才發現自己根本不適合，但猶豫轉行又無過人長處，於是向網民求助。

行錯咗第一步，返唔到轉頭……「大學揀科嘅時候因為當時冇乜諗法就揀咗一門專業去讀，讀完4年又2年」。他因讀完碩士才能考取專業資格，現在做回行内新人，好大壓力，「發現自己其實咩都唔識，讀嗰陣好多嘢冇學過/純吹水，最大問題係我完全對呢門專業冇興趣冇熱誠」。

但他又擔心，「如果依家先轉行又好似浪費咗6年，同埋我又冇咩特別專長令我有信心即使轉行都可以成功。好灰」。

網民在facebook專頁「奴工處」指，他修畢6年大學課程後，近日投身專業行業才發現自己根本不適合。

他感慨，「尤其是見身邊同事全部都係呢行好有目標好有動力，我就日日喺到徘徊喺後悔同逼自己鐘意份工的心態，覺得未來無希望」。

有網民留言指，「千祈唔好咁諗浪費咗過去嘅時間，真係唔啱嘅，依家就揾下乜嘢啱自己，已經錯咗6年，何必錯埋之後嘅20年？」、「既然係果行嘅新人，不如轉另一行，反正都係新人」

有人建議，「小弟BBA畢業，打咗年幾工先發覺自己真係唔想做office工，結果轉咗去行地盤，一樣一路做一路讀書，唔好俾讀書一定用full-time綁死自己，嘅然真係覺得自己唔啱做呢行，每朝起身第一樣嘢諗嘅就係『我唔想返工』嘅話，不如試試發掘下自己嘅興趣」。

資料來源：星島日報