職趣事

 

餐廳漏單情況不時發生，近日就有餐廳職員於網上分享自身經歷，講述漏單事情經過和該名麻煩客的「偉大」事跡。

 

該網民在「西客之道Hlspitality Secret」Facebook專頁發帖，指日前遇到3名麻煩客人，其中一名客人提早到場並叫了一支手工啤酒，惟對方飲用幾啖後竟以不合口味為由，要求換其他牌子啤酒。樓主在文抱怨稱「心諗你都癡線，嗌咗嘢食唔啱口味就換得，你唔去7仔打開雪櫃每支野飲奶一啖，直到搵到你啱飲嘅為止？」不過，樓主雖然內心不滿，仍然為對方更換成其他牌子的啤酒。

 

其後二名客人亦陸續到場，3人點了一份二人套餐，正當餐廳仍有半小時就準備打烊之際，樓主隨即為該枱客人埋單，怎料三號客人突然表示漏上兩碗餐湯，樓主見狀隨即道歉，對方則稱「咁你哋個二人套餐其實係有啲乜？有無嘢飲？會唔會仲上漏咗野飲俾我哋？」。

 

 

樓主就解釋套餐內不包含飲料，並建議用外賣盒裝起餐湯，讓客人帶走，不過對方拒絕，要求換成啤酒，而樓主為了盡快解決事件，只好答應了事。樓主在文中大呻，「得嗰幾行字，自己唔睇清楚個menu（餐單）寫咗啲乜？！知道漏咗湯唔即刻同我哋講？？中間埋檯咁多次幫你斟水又唔同我哋講？？拖到最後臨收工先講出黎！擺到明呃嘢飲！」

 

 

事件引起網民熱烈討論，有人支持樓主並大讚「你哋真係太好人，枝酒飲過都肯換」、「太過善良」；不過亦有人批評是餐廳職員漏單在先，「漏單都可以x返個客唔出聲，出聲又話人哋催你，想點呀」、「催單又係西客，唔催又話唔即時問，又係西客，香港人真係地底泥」。

 

 

 

來源：「西客之道Hlspitality Secret」Facebook專頁