不想返工可以有幾多個理由呢？香港人是「真係好鍾意返工」還是「真係好鍾意賺錢？」如果錢是返工最大的動力，那麼甚麼是不想返工的「反動力」呢？

1.有汗出冇糧出

「個個月拖糧，你叫我那有心返工？本來，這幾年凍薪、減薪都算了，現在再進一步惡化到欠薪，我真是鬧鐘響都不想起身吧！管理層即使不斷安撫，糧還是遲遲未出，請問我要忍到幾時呢？」

2.同事嘴形不夾

「我以前成日做義工去探訪照顧長者的，但要同大批年紀其實不大的『長者』在同一辦公室共事又是另一回事了。除了找不到共同話題外，我好難忍受每日有人站在旁邊吹水吹幾小時，『扮工』走來走去幾小時，然後剪指甲、洗碗等放工。你問他們公事，得到的答案通常只有三個：『唔知道』、『唔清楚』、『唔關我事』。這種工作氣氛令再有工作熱誠的人都有一種想自尋短見的念頭。有一次，有一位年紀其實不大的『長者』咧嘴對我笑住說：『其實我好想找你做我飯腳呢』，每次回想起這一幕，我晚上都會發噩夢。」

3.工作好無聊

「我每天返工就是不斷黐箱和拆箱，不斷『嚓』、『嚓』、『嚓』的黐膠紙和撕膠紙，幾乎在睡夢中都聽到『嚓』、『嚓』、『嚓』。無聊刻板到一個點呀！你問我份工有何意義，我答不出，反正好多人返工都是坐到夠鐘，講甚麼意義呢？如果AI人工智能可以盡快取代我份工就好了。」

4.車程太遠了

「我住屯門，搭車返工要個半鐘，放工回家要個半鐘，一日就用了三個鐘，而且八號波都要返工，所以祈禱都祈個天不要打風。好似早前突然掛九號，巴士停駛地鐵又停，橫風橫雨幾乎要瞓街，好在有旅遊巴義載！有想過在區內近近地搵工，但又搵不到，唉，所以成日射波唔返工，我都是被迫的，在這裏希望我的同事多多體諒！」

5.我身體不好

「疫情三年，我自覺在要返工的日子體弱多病，精神萎靡，喉嚨痛、聲音啞，周身骨痛攰乃乃。最奇怪是到了周末周日上述癥狀便會消失，就算是打機打通宵，第二日下午起身依然精神奕奕。因此我經常不想返工，經常請病假，亦經常轉工，不過轉來轉去都是一樣。或者我不適合在香港工作，又或者我根本不適合工作，移居他國可能會好好多。」

無論你是80後、90後定千禧後，如果你在職場上遇到甚麼新奇有趣的遭遇，不妨公諸於世跟大家分享一下兩下三下。

電郵地址：[email protected]