網上流傳，員工想請生日假，老闆一句「得埋嚟」：「叫你做嘢你先嚟生日，生日唔使做呀！」明明入職時標榜「可享有生日假」，這個伏的「伏特」（中伏指數單位）可能超過十萬了！

留名熊：「我想問那位老闆可不可以話：

『叫你做嘢你先嚟結婚，結婚唔使做呀！』

『叫你做嘢你先嚟生仔，生仔唔使做呀！』

『叫你做嘢你先嚟殉職，殉職唔使做呀！』 …… 」

楊委員：「生日我就不太想放假了，因為我份工是日薪制，返少一日就少一日錢。再者生日放假出街食飯一定要洗好多錢，返工不是可以慳好多嗎？」

褲二袋：「冇天理！公司真的有生日假制度，但魔鬼在細節：要做滿兩年才可以享有！我有邊份工會做兩年呢？」

Linda：「老闆話我因為中了新冠已經請了四天病假，再請生日假『唔係咁好』，暗示我不要請。其實中招又絕不是我的錯（除非是 ……），我現在鄭重聲明，我生日當日一定會射波，炒我吖笨！」

凱婷：「講你都唔信，我老闆真是好到無倫，一年竟然有三日生日假，分別是新曆、舊曆和『人日』！不過，統統都是無薪假來 …… 」

史浩克05：「將心比己啦！一個二個專揀長假期前後補放生日假，導致可以放得更盡情，你就夠盡興，要返工做埋你嗰份的我就更『興』！」

張中：「我不要生日假！生日獨留家中好悶好慘好淒涼！就算公司一個二個三個同事對我都很0尊，至少有人奚落揶揄欺凌一下都是好節目來。其實我返工吹下水剪下指甲又一天了，時間好容易過。」

Famj：「我每年生日都病，咁我應該請病假還是生日假好？如果今年生日冇病咪冇得放假？人生的抉擇啊！」

無論你是80後、90後定千禧後，如果你在職場上遇到甚麼新奇有趣的遭遇，不妨公諸於世跟大家分享一下兩下三下。

電郵地址：[email protected]