職場上最忌誚錯嘢！有網民指，有新入職的男同事竟直接批評女同事「樣衰」，令對方嬲到想喊；但該名同事不但唔知衰，更再問其他同事「我講得唔啱咩？」，瞬間令整個辦公室的氣氛跌入冰點。
該名網民在網上討論區「連登」發文，指公司近日有初來報到的男同事，看上去「正正常常，普通戴眼鏡斯文樣」，沒想到內裡卻是一個口不擇言的人。樓主表示，該名男同事某日午飯時，竟直接對其中一名女同事說「其實你除咗口罩都幾樣衰！」一眾同事聽後立即口啞啞，「feel到個女同事已經嬲咗，同埋成間公司啲人都靜晒」。
該名網民在網上討論區「連登」發文
樓主認為，即使有這個想法亦不應說出口，「雖然個女仔真係唔靚，但正常都唔會當面同人哋咁講啦」。不過男同事仍未知衰，立即「補刀」再問身邊的其他同事「乜我講得唔啱咩？」令同事都臉有難色，紛紛以「落去買嘢食」等理由逃離尷尬現場
事後，樓主指感到該名女同事「嬲完之後眼濕濕」，認為男同事未有考慮他人感受，覺得他的言論過份，「個女仔本身都冇咩自信，仲要咁樣俾人話一話」。不過樓主就坦言不知如何處理事件，最後只能去廁所暫避。
帖文引起網民熱議，有人認為慎言很重要，「又係呢啲以為自己好好笑嘅人，好煩，講笑唔應該咁講」、「個女仔無反擊佢，已經好大方」、「佢係咪expect（期望）其他人會笑埋一份，博出位」。不過亦有網民認為該名男同事只是過於誠實，整體並無問題，「人哋講真心話有乜問題？定係要好似你咁戴住副面具做人？」、「咁人哋係誠實咗啲啫，咁都有錯咩？」
資料來源：連登 / 星島日報
Email: advertising@jobmarket.com.hk
Email: enquiry@jobmarket.com.hk
