即使早已提前預約，但當中仍要準時到達是常識吧? 一名美容院職員在網上大呻遇到麻煩客人的經歷，指一名女客人預約美容服務，結果卻遲到逾一小時才到達。當她發現美容時間被扣減後，竟指自己光顧該店10年，一向都會遲到，但從來沒被扣過時間，直言「我要投訴你哋」。誰料，其後經理不但沒有維護員工，反指他們不應得罪客人，「叫我哋氹返個客」。
西客之道 Hispitality Secret截圖
一名美容院職員在facebook專頁「西客之道 Hispitality Secret」投稿，指自己曾在美容院任職客戶服務員，並分享自己遇到一名無理的女客人的經歷。樓主指，該女子早前預約下午1時做美容，服務過程約75分鐘，而美容院一般會預留個半小時。誰料，對方在2時05分才到場，足足遲了逾1小時。職員只好告知，因為美容師在3時會有客人，「只可以做到三點，佢一支箭就衝咗入房」。
誰料，該女客人在做完美容後，竟質問「點解會做唔足時間？我覺得你哋嘅服務差咗好多」，更指「如果唔夠時間應該一早同我講，等我今次唔好做」。職員只好再次解釋，由於她遲到甲因此需扣減服務時間。然而，她聞言竟反指，「吓！我不嬲都要遲15分鐘㗎啦，呢啲係常識嚟㗎喎，我一向都係咁㗎喎，個個都知㗎啦！」。
西客之道 Hispitality Secret截圖
職員雖然無奈，但為了不得失客人，只好向對方道歉，指「唔好意思，下次我哋補返時間俾你」。然而，她仍然得寸進尺，「我唔明白你哋呢啲咩服務囉，我喺度幫襯咗10年，一向都係咁樣遲到，一向都冇扣我時間，我要投訴你哋」。其後，樓主及同事隨即向經理匯報事件，但經理不但沒有維護員工，「仲同個女人一齊喺度發花癲，話我哋唔應該得罪個客，叫我哋氹返個客，如果唔係我哋就死梗」。
其後，不少網民紛紛留言，斥責該名女客人過分，直言「你宜家唔係遲15分鐘，係遲咗65分鐘auntie」、「呢啲客應該黑名單喎」、「佢覺得遲到好威威咁」等。另外，亦有不少人批評該名經理的處理手法不當，直斥「 癲經理配癲西客，難為班細嘅…」、「有點樣嘅經理就有點樣嘅客」等。
資料來源：星島日報、西客之道 Hispitality Secret
好工推介
職場熱話
- 1
- 2
-
Draft - 職場吹水都睇年齡？同乜人傾計最舒服？
TOP 1 -
六成求職者拒無薪酬資訊職位 調查揭招聘「地雷位」影響應徵意欲
TOP 2 -
韓國78％中小企擬聘外籍員工 搶人才難與簽證限制成主要障礙
TOP 3 -
網絡安全從業員壓力爆表 報告：人工偏低、工作量飆升成常態
TOP 4 -
AI衝擊入門職位 Gen Z就業受壓 轉向創業成新出路
TOP 5
-
土地註冊處招聘二級土地註冊主任 月薪最高$61,865
TOP 6 -
打工仔返新工2個月手震＋失眠 應唔應該「捱落去」？ 8大Burnout警號一次過睇清
TOP 7 -
理財專家警告：人工智能或打亂提早退休夢 建議暫緩計劃 「應先儲多幾年錢」
TOP 8 -
麗晶花園引入外勞保安紓緩人手荒？ 稱三年更換逾200人 「外勞能助穩定人手」
TOP 9 -
44歲作家曾專訪逾600位CEO 揭成為成功人士都有一個共同特質
TOP 10
