第一話 旅遊巴塞車遲到!?：https://bit.ly/2PYKu6V
第二話 農莊有蚊有泥!?：https://bit.ly/2Q9fFfI
第三話 6人5串燒點分!?：https://bit.ly/2xam9Ty
第四話 為食甜品冇車撘!?：https://bit.ly/2I95JPP
公司活動完後，我繼續受到 #我的港女上司 WhatsApp攻擊 💣，結果剩餘嗰半日假期都不得安寧，心情被嚴重影響，個腦係咁諗：「唉， 😞聽朝一早就要同港女一齊打去旅遊巴公司做潑婦R著數，間公司有我名又有我手提電話，要找悔氣實係找我啦。 😞」
重點係我好介意要同個港女一齊被標籤為唔講道理嘅乞客，不停諗點樣可以避開唔一齊用Speaker Phone打去投訴呢？活動後有好多手尾要跟，如果Sick Leave即係其他同事要做埋我嗰份，咁會犯眾憎，而且避到一日，第二日佢都會煩住我，結果我返到屋企，好無奈咁打咗去旅遊巴公司 😞。
我超勁好禮貌 😊：「你好，我係XXX公司嘅詩寧，今日Book咗你哋車，單號係12345，今日嘅服務出咗啲問題，請問負責人喺唔喺度？」
網上圖片
旅 😨：「下！今日係星期日，得我喺公司咋！小姐你等等，我搵返你張單出嚟先……（幾十秒後）搵到喇，唔好意思，請問有咩問題？ 😰」
我 😅：「你唔使咁緊張，其實好小事（妖，小事又投訴？我自己講完都覺矛盾）Um…… 😐有幾樣嘢嘅……首先你哋司機嚟嗰時遲到，上車後佢態度又好惡，同埋佢唔識路，最後回程嗰時……我哋遲咗……幾個字，佢無等我哋，搞到我哋幾十人搭的士。」
旅 😱：「下！有啲咁嘅事？唔好意思，你交比我，交比我，我會向司機了解返！睇返張單，今日個司機係替工嚟嘅，可能佢唔熟公司規矩，我會話下佢，如果佢真係有問題，我哋就唔再用佢。因為今日比較多單，唔夠人手所以要搵替工司機幫幫，唔好意思 🙇🏻，我會盡快比答覆你。」
下？以後唔再用佢？又唔使搞到人無咗份工呀嘛？ 🤦🏻♀️
我 😅：「你真係唔使咁緊張，我……其實……唔係好嬲，因為件事……個司機又錯唔晒嘅 😐……佢一早有同我哋講今日多單，叫我哋唔好遲……而我哋都遲得……幾多下 🤦🏻♀️，不過佢粒聲唔出走咗又真係搞到我哋同事好徬徨……」
（我開始唔知自己講緊咩）
旅 🙇🏻：「真係唔好意思呀小姐，帶比你麻煩，今日係星期日，我聽日同其他同事商量完再比返個答覆你？」
我：「聽日……其實聽日我會再打嚟投訴 🤦🏻♀️……er……我老闆要我同佢一齊打嚟，即係而家我一個人打嚟鬧你，然後聽朝兩個人再打嚟鬧多你一次，老闆要親耳聽到我投訴先OK……你明唔明呀？ 🙈」
網上圖片
旅 😅：「下？哈？哦……」（好明顯佢唔明，因為我自己都唔係好明）
我 🤦🏻♀️：「唉！算啦，我講白啲！即係咁，其實件事好小問題，小到唔需要投訴 😑，但我老闆一定要我打嚟投訴。同埋要我而家先投訴一次，聽朝返公司再投訴多次 🤦🏻♀️，咁你聽朝聽電話嗰時要當我今日已經鬧咗你一鑊，然後求其話下次比返個九折我哋，OK？我老闆一定要聽到有折先收手架！如果九折太多你就比九五折啦 😑！至於個司機，你求其話下佢算啦，唔好打爛佢飯碗 🙏🏼。」
旅遊巴職員聽完大笑 😂：「哈哈哈……好，明白明白。」
我勁無奈 😑：「你叫咩名呀？我聽朝打嚟搵返你，廢事你其他同事接咗個電話，以為我真係打嚟鬧人呀。」
旅 😂：「哈哈……我叫阿傑，你可以搵返我。」
我 😅：「好啦阿傑，咁我聽朝九點打嚟鬧你，你唔好請假呀。」
旅 😂：「哈哈……無問題，我喺度。」
我 😑：「你記得唔好炒個司機呀，叫佢下次唔好咁惡就算啦，聽日再傾啦。Bye Bye。」
旅 😂：「哈哈……唔該晒你呀小姐，Bye Bye。」
網上圖片
第二日，我同旅遊巴公司阿傑照劇本演咗一幕「潑婦R九折」 😡，我仲講到個司機會危害其他道路使用者安全，應該釘牌咁濟，港女表示非常滿意 😄，事後我可以安安落落咁做正經嘢，唔使比佢無限糾纏。 ✌️
返工遇到無理老闆，自己食 💩還好，但若佢逼你搵外人一齊食 💩就要考慮下Say No 🙅🏻，個世界咁細，整衰自己個朵就無謂啦。無人會去諗你有苦衷，只會覺得你賤格。例如你做In House Marketing，老闆叫你壓榨Agency、折磨Designer 😈；或者你做銀行，老闆叫你跑數，呃晒老人家錢買高風險基金 🤑，你係咪又照做？
累到司機無工開，人哋背後可能一家五口等開飯。😢有時無得正面推老闆嘅白痴Order，唯有背後出招啦～
Tag cloud:
好工推介
職場熱話
- 1
- 2
-
裁員潮殺到埋身？如何識別危機信號並成功自救！
TOP 1 -
BNO移民英國恐迎重大變局 英保守黨倡「5＋1」增至「10＋5」 移英港人︰怕多付十多萬NHS
TOP 2 -
「幫人摺衣服」成高薪副業？馬來西亞婦女單週賺1,300港元
TOP 3 -
加拿大港人「救生艇計劃」開放式工簽2.7截止申請 不再延長
TOP 4 -
內地年輕人潮興買迪士尼年卡自習 「最快樂地方做最痛苦的事」
TOP 5
-
DeepSeek百萬年薪「招兵買馬」 入職要求大揭秘
TOP 6 -
研究揭院舍保健員與護士職能高度重疊 護士僅3項「獨家秘技」
TOP 7 -
外勞小巴司機駕駛考試重考次數高達727次 合格率僅42％
TOP 8 -
把握大灣區發展機遇 中電學院推電力課程 助學員最快一年取得內地及香港電力工程資格
TOP 9 -
新春喜迎開工利是 最高一間派2388元 即睇不同機構派幾多
TOP 10
-
打工仔辦公室風水攻略 自製「靠山」保飯碗 升職加薪靠催旺1位置
TOP 11 -
新光戲院結業 學者：粵劇觀眾群無壯大 不改善難有大改變
TOP 12 -
房署禁保安收利是惹議 網民嘆無人情味：討個意頭 何必明文規定唔收得利是？
TOP 13 -
僅2至3部港產片開戲 從業員難捱轉行 電影界仍處冰河期 冀增融資計劃名額加快審批
TOP 14 -
新春「樓照賣」 三大代理行齊派開單大利是 最高2000元
TOP 15
-
內地公司獎37員工「一人一輛名車」 總價超¥1000萬元
TOP 16 -
春節上門餵貓賺1.5萬 「寵物年夜飯」售百萬件
TOP 17 -
10個農曆新年好去處 維園年宵花市、初二煙花、初三入馬場睇張敬軒
TOP 18 -
中國人「爆買」不再日企出招吸客 ANA送國內機票促銷
TOP 19 -
海事處招聘小輪助理員 小六畢業加識游水即可申請 月薪1.8萬至2.2萬
TOP 20
