相信大家都試過因與他人電話號碼太相似，而接到陌生人的來電，令對方造成困擾；但大家又會否因此換電話號碼，或要求對方轉電話？近日，有打工仔在Facebook專頁「西客之道 HIspitality Secret」發帖，指在公司接到一個投訴電話，對方竟因公司電話與他人太相似要求轉電話，更稱如果他沒向公司表達相關問題，就「投訴到你暈」，令他大感無奈。
Facebook專頁「西客之道 HIspitality Secret」截圖
該名打工仔表示，在公司接到投訴電話，指公司電話與客人住宅電話號碼太相似，「你公司啲人客成日打錯咗俾我，造成我好大嘅騷擾，你幫我同你公司反映下，叫你公司轉咗個電話，唔係你哋公司啲客成日打俾我都唔係辦法」。打工仔隨後表示「唔好意思」，未料對方竟隨即大罵「咁即係點呀，唔好意思就算啦？即係明知錯都唔改啦，我上年申請咗個電話就一直不斷俾人騷擾啦，你估你哋大公司大曬呀，你叫咩名，呢啲係咩服務態度呀，我要投訴你呀，有人投訴就要通知公司架啦，如果俾我知道你無通知公司改電話，我實投訴到你暈呀！」令打工仔感到十分無奈，但也只能繼續回應「唔好意思，你嘅意見我會落返紀錄」。
即便如此，對方仍對其回應並不滿意，「點呀......我唔洗你唔好意思，我要知你哋幾時改電話……你話唔到事，唔好曬(嘥)我時間，搵你最大嘅同我講！」最後打工仔在文末無奈地表示，「點解會有人覺得一間公司會為佢一個人改電話？」。
網民留言截圖
不少網民表示投訴者十分野蠻，指「咁不如佢自己改電話啦」、「應該將自己的電話號碼賣俾呢間公司嘅競爭對手」、「遲來先上岸？公司個電話早開通過你，你反而叫人就你改電話？」。亦有不少網民分享相似經歷，「改電話小事啦！有個人打嚟我公司想見工嫌太遠叫我搬寫字樓添啊！」
網民留言截圖
資料來源：Facebook專頁「西客之道 HIspitality Secret」
好工推介
職場熱話
- 1
- 2
-
畢業後為一紙聘書不惜自降身價？HR：只會賠了夫人又折兵
TOP 1 -
見工被HR質疑學歷兼查家宅 仲被揶揄「冇老豆」
TOP 2 -
郵政署招聘客戶服務員 月薪$16,258 DSE 5科2級申請得！
TOP 3 -
AI衝擊加上地緣政治不明朗 應屆畢業生就業前景 可能係40年嚟最差？
TOP 4 -
歐洲初創圈掀起996爭論：賣命式工作文化是否值得仿效？
TOP 5
-
穩定工作、升職加薪、結婚生子 真係成功人生方程式？ 網民：「不如趁早尋找屬於自己的生活節奏」
TOP 6 -
返工壓力爆煲情緒出問題 辭職又驚冇收入 打工仔點樣走出死循環？
TOP 7 -
AI衝擊職場？研究：實際影響仍然輕微 反而增加人類工作量
TOP 8 -
【打工仔必知】惡劣天氣下唔返工會唔會被扣人工？ 僱主可以要求WFH？
TOP 9 -
律政司招聘合約法律書記 月薪$23,585
TOP 10
