讀書的時候一定寫過我的志願，以為大個會做醫生護士，不然也會是工程師或空姐。不過事實並不如想像，長大候的我們或許甚麼都不是，只是一個普普通通的打工仔。
近日便有網民於連登討論區以「絕望真相, 廿幾歲原來真的不像你預期」為題發帖。分享「相信每個人細個都曾經幻想過自己廿幾歲係點，而年少無知、天真爛漫既少年總會偏向相信自己係天資聰穎，獨一無二，前方等緊我地既必定係精彩傳奇的黃金十年，就算唔係維護世界和平，化解核彈危機或者解決糧食問題，至少都可以成為一個發火發熱、貢獻社群、受人注目既有為青年。」
「可惜，轉眼間三字頭都逼在眉節，生活卻有如星爺喺《功夫》入面幾經辛苦搵到火雲邪神，最後發現係一個底橫膠拖既呀叔一樣，你回首畢業後的數年，原來只係一個不外如是既打工仔，庸庸碌碌、渾渾噩噩返工放工咁過左大半，青春小鳥靜靜飛走，唔止世界，連廿幾歲都真的不像你預期。」
網上圖片
而人事除左變得好快，亦變得好快。講起Facebook，十年前覺得開左Facebook已經係潮流尖端，你點估到今日Facebook原來係「呀爸呀媽先用」，能夠咁快榮升父母，究竟應否欣慰？當你見到果條好hit既補習社片，條得烕既靚仔笑人用Facebook，你心中難免有煎佢兩巴既衝動，然而，你心知肚明，今日仲養緊蛙，聽日再post都俾人笑啦，生活、社會的節奏好比樓價和樂瞳身材爬升的速度，當你留意到已經太遲。
當有些事物光速般前進，有些人事卻不斷倒退 — 父母徐徐老去，身體記性轉差；曾經追/丁過既女今天不復當年勇；當日你覺得充滿威嚴、睿智的老師亦老態畢現，曾經的球星唔係即將退休都職業生涯晚年，個個由TBB轉睇泡菜劇聽泡菜歌，當你想繼續堅持那些由細陪到你大的廣東歌，你赫然發現佢地竟然出現係《流行經典五十年》，更震撼的是，連愛情動作片的女主角都已經係千禧BB。
跟手你會覺得從前的歌手才是明星，當年的歌曲才是音樂，舊時的電視電影永遠好睇啲。星期日的下午，你還會坐下來睇足成套《午間星期日影院》，對著那套睇左一千次既《家有囍事》和《嚦叶嚦咕新年財》發笑，「Shit..」，你終於留意到，自己開始變成小時候恥笑的父母親，這是你第二次怕變老。
廿幾歲的第三個震撼，係你終有一日要接受，自己不是太出色和優秀，甚至比7仔更普遍。曾經你憧憬自己即使不能穿梭於中環金鐘，面對無敵海景，生活閃爍得讓人眩目，也至少是一個飽讀詩書既知識份子，可以盡一己所長，在喜歡的工作中追求卓越。唯獨今日和卓越最接近的一刻，是偶爾到卓悅買落妝水。幸運兒還可以戴個MT光環，卻打份普通得從未想像過會做的19工，不幸的甚至只能在中型公司做個「Executive」。最初你難以接受，深信是懷才不遇，千里馬總會遇上伯樂，但隨著年華逝去，你逐漸醒覺，原來並非「不遇」，而是根本「無才」。
source：連登討論區
Tag cloud:
好工推介
職場熱話
- 1
- 2
-
觀塘龍寶酒家關門不足一個月 今宣布下月初重開 有網民質疑結業為避數
TOP 1 -
天文台：明年起將現一件「極低概率事件」 機率僅1％ 影響年初一日子？
TOP 2 -
2024年十大金句 特首回應商舖結業潮 的士界一句激嬲港人
TOP 3 -
餐飲業界稱聖誕節有8％升幅 珠寶業料生意額或輕微上升
TOP 4 -
南昌嘉禾V Walk戲院暫停營業 網站顯示戲票不設預售
TOP 5
-
康文署招聘二級文化工作助理員 月薪1.5萬至2.3萬 完成中四學業就申請得！
TOP 6 -
00後大學畢業回縣城做女司機 慳妹月薪¥2000日日食屋企飯
TOP 7 -
聖誕節 地產商指商場旺丁旺財 料生意額有雙位數增長
TOP 8 -
財政司司長辦公室招聘管事長 月薪2.3萬至2.9萬 喺呢方面須有3年工作經驗！
TOP 9 -
市民出境歡度佳節登機櫃位現人龍 遊台一家三口：外地餐廳較歡迎小朋友
TOP 10
