不少人對話時提到「B」、「D」，都會以「Boy」、「Dog」確認以免對方混淆。有快餐店店員亦以「Dog」餐，來確認食客點D餐，結果被對方大罵，「而家咩意思呀你？！係咪叫人哋食狗糧啊？」食客並向經理投訴，店員最終道歉解決事件，並指以後要將D餐改稱為「David餐」，以免發生同類事件，但笑問「會唔會畀人話我叫人食人肉」。
該名在快餐店任兼職店員的網民早前在facebook專頁「西客之道」投稿，指如遇到食客點D餐時，為避免混淆B、D餐，都會問清楚對方想點「Boy餐」還是「Dog餐」，並稱「啲客都不嬲冇問題，直接答番我係要邊個餐」。直至有一日，一名女食客點了D餐後，樓主向對方確認「請問係咪要個Dog餐？」時，對方突然責罵：「你好喇喎你！我留意咗你好耐㗎喇！次次人哋話要D餐你都係話要Dog餐！𠵱家咩意思呀你？係咪叫人哋食狗糧啊？你係咪好開心？」
西客之道 HIspitality Secret 專頁截圖
樓主對女客人的反應大感驚訝，但仍立即向對方解釋，「唔係呀小姐，其實我都係想確認番小姐叫嗰個係咩餐，因為D同B……」。但話還未說完，女食客再怒罵：「仲出聲？仲駁嘴？你𠵱家叫人食狗餐啊！同我叫你經理出嚟！」
樓主指，經理當時聽到爭吵聲後，已即時上前協助處理，樓主最終要向該女客人道歉，並指日後落單時只能以「David餐」或「熱香餅餐」來確認是D餐，以免再惹誤會。但樓主仍對事件感到無奈，直言「如果Dog餐係狗糧餐，咁我問個客係咪要David餐嘅話，會唔會俾人話我叫人食人肉」。
不少網民都留言直指女客人野蠻，「dog咪dog囉，冇嘢搵嘢嚟鬧」、「極度自卑引致嘅無限自大……係病嚟㗎」；有網民則建議樓主，「用電訊字母啦，Alpha、Bravo、Charlie、Delta」'「識講一定係講『丁』餐囉」。另有人認為樓主不應道歉，形容他是「向惡勢力低頭」，「有個咁嘅經理，轉工啦」。
資料來源：星島日報、西客之道 HIspitality Secret
好工推介
職場熱話
- 1
- 2
-
全球裁員潮 員工最容易有職場倖存者症候群 六成人感到過勞 七成人工作動力明顯下降
TOP 1 -
銀聯：Z世代收入增加比例最明顯 39％消費者削非必要支出
TOP 2 -
日本興起出租阿嫲 唔只做家務湊細路 仲可以陪談判分手
TOP 3 -
公共圖書館變「扮工」聚腳地？失業港人每日必到＋做3件事
TOP 4 -
87％港畢業生對前景充滿信心 最愛金融及STEM行業 憂AI帶來顛覆
TOP 5
-
KAM爆新仔突問女上司「點解條件咁好都未結婚」 對方一招KO！
TOP 6 -
電話鬧鐘唔識響？係手機Bug作怪！網民總結８大方法自救
TOP 7 -
DSE放榜 未達2222A有咩出路？升學／就業課程任你揀
TOP 8 -
30歲後選擇半躺平人生 為心靈健康 只返兼職度日 與其杞人憂天 不如活在當下
TOP 9 -
ERB僱員再培訓局最新課程推介！10大免費搶手內容 ＄0學做KOL／保安／陪月／的士司機 即日起報名
TOP 10
